पंतप्रधान श्री नरेंद्र मोदी यांनी १४ जून शुक्रवारी इटलीच्या अपुलिया येथे जी-7 शिखर संमेलनात कृत्रिम बुद्धिमत्ता, ऊर्जा, आफ्रिका आणि भूमध्यसागरावर झालेल्या आऊटरीच सत्राला संबोधित केले. समूहाच्या ५० व्या वर्धापन दिनानिमित्त त्यांनी सर्वांचे अभिनंदन केले.
पंतप्रधानांनी आपल्या पुनर्निर्वाचनानंतर मानवतेच्या इतिहासातील सर्वात मोठ्या लोकशाही प्रक्रियेनंतर शिखर संमेलनात सहभागी होणे ही त्यांच्या दृष्टीने मोठी समाधानाची गोष्ट असल्याचे सांगितले. तंत्रज्ञान यशस्वी होण्यासाठी मानवी केंद्रित दृष्टिकोन असणे आवश्यक आहे, असे त्यांनी व्यक्त केले. या संदर्भात, त्यांनी सार्वजनिक सेवा वितरणासाठी डिजिटल तंत्रज्ञानाचा वापर करण्यात भारताच्या यशाबद्दल सांगितले.
भारताच्या “AI for All” या कृत्रिम बुद्धिमत्ता अभियानाबद्दल बोलताना, पंतप्रधानांनी या तंत्रज्ञानाचा उद्देश सर्वांचा प्रगती आणि कल्याणासाठी असावा, असे स्पष्ट केले. या व्यापक उद्दिष्टाने, भारत ग्लोबल पार्टनरशिप फॉर AI चे संस्थापक सदस्य म्हणून आंतरराष्ट्रीय सहकार्याला प्रोत्साहन देत असल्याचे त्यांनी नमूद केले.
पंतप्रधानांनी भारताच्या ऊर्जा संक्रमण मार्गाबद्दल सांगितले की, त्यांचा दृष्टिकोन उपलब्धता, प्रवेशयोग्यता, परवडणारी किंमत आणि स्वीकार्यता यावर आधारित आहे. त्यांनी नमूद केले की भारत २०७० पर्यंत नेट झीरो लक्ष्य साध्य करण्यासाठी काम करत आहे. भारताच्या “लाइफस्टाइल फॉर एन्व्हायर्नमेंट” मिशनचा संदर्भ देऊन, जागतिक समुदायाला त्यांनी जागतिक पर्यावरण दिनी सुरू केलेल्या “एक पेड माँ के नाम” वृक्षारोपण अभियानात सहभागी होण्याचे आणि त्याला वैयक्तिक स्पर्श व जागतिक जबाबदारीने व्यापक चळवळ बनवण्याचे आवाहन केले.
पंतप्रधानांनी जागतिक दक्षिणेच्या, विशेषतः आफ्रिकेच्या चिंतेला प्राधान्य देण्याचे आवाहन केले. त्यांनी स्मरण करून दिले की, भारताच्या अध्यक्षतेखाली AU ला G20 चा स्थायी सदस्य म्हणून समाविष्ट करणे हा भारतासाठी सन्मानाचा विषय होता.
