पिंपरी–चिंचवड :
वकिलांना भेडसावणाऱ्या विविध समस्या, त्यांच्या व्यावसायिक अडचणी तसेच सामाजिक व कल्याणकारी उपक्रम अधिक प्रभावीपणे राबवण्यासाठी “अतिरिक्त जिल्हा व सत्र न्यायालय व दिवाणी न्यायाधीश वरिष्ठ स्तर ॲडव्होकेट बार असोसिएशन, पिंपरी चिंचवड” या नव्या वकील संघटनेची स्थापना करण्यात आली आहे. या संघटनेच्या माध्यमातून वकील वर्गाच्या हितासाठी स्वतंत्र कमिटी कार्य करणार असल्याची माहिती संघटनेचे संस्थापक अध्यक्ष ॲड. सचिन पानी यांनी दिली.
पिंपरी–मोरवाडी न्यायालय परिसरातील बार रूममध्ये या संघटनेच्या पदाधिकाऱ्यांचा पदग्रहण व सत्कार समारंभ उत्साहात पार पडला. कार्यक्रमाच्या अध्यक्षस्थानी ॲड. अरूण खरात होते. यावेळी प्रमुख मार्गदर्शक म्हणून ॲड. राकेश अकोले, बी. के. कांबळे, प्रकाश निनाळे, रमेश गालफाडे, केशव घोगरे, प्रमिला गाडे आदी ज्येष्ठ वकील उपस्थित होते.
“संघटना सर्व वकिलांसाठी कार्य करेल”
याप्रसंगी बोलताना ॲड. सचिन पानी म्हणाले की, वकील हा न्यायव्यवस्थेचा कणा असून त्यांच्या समस्या वेळेत सोडवणे, त्यांना आवश्यक सुविधा मिळवून देणे आणि सामाजिक सुरक्षिततेसाठी योजना राबवणे हे या संघटनेचे प्रमुख उद्दिष्ट आहे. ही संघटना कोणत्याही गटासाठी नव्हे, तर सर्व वकिलांसाठी कार्य करेल, अशी ठाम ग्वाही त्यांनी दिली.
नवीन कार्यकारिणीची घोषणा
या कार्यक्रमात संघटनेच्या विविध पदाधिकाऱ्यांची नियुक्ती जाहीर करण्यात आली.
-
महिला सहसचिव : ॲड. संगीता कुशालकर
-
सहसचिव : ॲड. संजय माने
-
सहायक सहसचिव : ॲड. सुनील डोंगरे
-
प्रसिद्धी प्रमुख : ॲड. तेजस सरतापे
