मुंबई : राज्यातील महिलांसाठी आर्थिक मदतीचा दिलासा ठरलेली ‘मुख्यमंत्री माझी लाडकी बहीण’ योजना पुन्हा चर्चेत आली आहे. महायुती सरकारने सुरू केलेल्या या योजनेमुळे आर्थिकदृष्ट्या दुर्बल कुटुंबातील महिलांना मोठा आधार मिळाला आहे. आता या योजनेतील डिसेंबर महिन्याचा हप्ता जमा होण्याबाबत महत्वाची माहिती समोर आली आहे.
महिला लाभार्थ्यांसाठी आर्थिक मदत:
महायुती सरकारने जुलै महिन्यात ‘मुख्यमंत्री माझी लाडकी बहीण’ योजना सुरू केली. या योजनेत महिलांच्या खात्यात दरमहा ₹१५०० जमा केले जात आहेत. आत्तापर्यंत जुलै, ऑगस्ट, सप्टेंबर, ऑक्टोबर, व नोव्हेंबर असे पाच हप्ते जमा करण्यात आले असून, महिलांच्या खात्यात एकूण ₹७५०० जमा झाले आहेत.
आचारसंहितेमुळे योजना रखडली:
राज्यातील विधानसभा निवडणुकीच्या अनुषंगाने आचारसंहिता लागू झाल्याने ऑक्टोबर आणि नोव्हेंबर महिन्याचे हप्ते एकत्रितपणे आधीच जमा करण्यात आले होते. मात्र, निवडणुकीनंतर नव्याने स्थापन झालेल्या महायुती सरकारने डिसेंबरचा हप्ता लवकरच जमा केला जाईल, असे स्पष्ट केले आहे.
डिसेंबर हप्ता कधी जमा होणार?
भाजप नेते सुधीर मुनगंटीवार यांनी स्पष्ट केले की, “डिसेंबर महिन्याचा हप्ता पुढील दोन ते तीन दिवसांत महिलांच्या खात्यात जमा होईल.” यासोबतच, तांत्रिक कारणांमुळे ज्यांना योजनेचा लाभ मिळालेला नव्हता, त्या महिलांना थकीत रक्कम जमा होण्यास देखील सुरुवात झाली आहे.
थकीत रकमेची व्यवस्था सुरू:
गेल्या काही महिन्यांपासून अर्ज करूनही लाभ न मिळालेल्या महिलांच्या खात्यात शुक्रवारपासून थकीत रक्कम जमा होण्यास सुरुवात झाली आहे. या सकारात्मक अपडेटमुळे महिलांमध्ये समाधानाचे वातावरण दिसत आहे.
महायोजना महिलांच्या आर्थिक विकासासाठी:
महायुती सरकारने महिलांना आर्थिक सक्षमतेसाठी सुरू केलेल्या या योजनेचा राज्यभरातून चांगला प्रतिसाद मिळत आहे. पुढील हप्ता वेळेवर जमा होईल, असा विश्वास सरकारने व्यक्त केला आहे.
