पुणे शहर पोलिसांच्या गुन्हे प्रतिबंधक पथकाने आणखी एक मोठी आणि कौतुकास्पद कारवाई करत दरोडा टाकण्याची तयारी करणाऱ्या तीन सराईत आरोपींना ताब्यात घेतले. यामध्ये पोलिसांनी दरोड्याचे साहित्य व ६ चोरीचे मोबाईल फोन असा एकूण ₹३२,१६० किमतीचा मुद्देमाल जप्त केला आहे.
कशी झाली कारवाई?
बंडगार्डन पोलिस स्टेशनच्या हद्दीत गुन्हे प्रतिबंधक पेट्रोलिंग करत असताना, पोलीस अंमलदार कृष्णकांत श्रीराम, ज्ञानेश्वर गायकवाड व राजू धुलगुडे यांना गुप्त बातमीदाराकडून खात्रीशीर माहिती मिळाली की—
➡️ जुने रेल्वे सिमेंट गोडाऊन, मालधक्का चौक येथे काही इसम दरोड्याची तयारी करत आहेत.
गंभीरतेची जाणीव ठेवून
पोलीस उप-निरीक्षक धीरज गुप्ता यांच्या नेतृत्वाखालील पथक तात्काळ घटनास्थळी पोहोचले आणि संशयितांना ताब्यात घेतले.
ताब्यात घेतलेले आरोपी
1️⃣ जानमोहम्मद नसरुद्दीन शेख (वय ३२) – रा. पीर वस्ती, वडकी
2️⃣ सतीश ज्ञानेश्वर शिरोळे (वय ३५) – रा. पुणे स्टेशन, मूळ रा. दहीटणे, दौंड
3️⃣ शिव प्रकाश कुमार (वय २३) – रा. स्वारगेट कॅनाल
तिघांकडून पंचासमक्ष अंगझडती घेतली असता दरोड्याचे साहित्य व ६ चोरीचे मोबाईल फोन मिळून आले.
दाखल गुन्हे व पुढील तपास
आरोपींवर खालीलप्रमाणे गुन्हा दाखल:
-
भा.न्या.सं.क. ३१०(४), ३१०(५)
-
आर्म अॅक्ट ४(२५)
-
महाराष्ट्र पोलीस अधिनियम ३७(१)(३)
तसेच, तपासादरम्यान बंडगार्डन पो.स्टे. गु.र.नं. ३५०/२०२५ मधील चोरी प्रकरणही उघडकीस आले.
कामगिरीत सहभागी अधिकारी
ही कारवाई खालील वरिष्ठ अधिकाऱ्यांच्या मार्गदर्शनाखाली पार पडली:
-
मा. अपर पोलीस आयुक्त — श्री. राजेंद्र बनसोडे
-
मा. पोलीस उप-आयुक्त परिमंडळ २ — श्री. मिलिंद मोहिते
-
मा. सहाय्यक पोलीस आयुक्त लष्कर विभाग — श्रीमती संगिता आल्फान्सो शिंदे
