पुणे शहरातील बंडगार्डन पोलीसांनी एक उत्कृष्ट व तत्पर अशी कारवाई करत चेन स्नॅचिंग करणाऱ्या दोन विधीसंघर्षीत बालकांना जेरबंद केले आहे. या कारवाईत तब्बल ₹2,50,000/- किमतीचे सोन्याचे गंठण आणि मोटारसायकल हस्तगत करण्यात आली आहे. पोलीसांच्या तात्काळ हालचालीमुळे वाढत्या चेन स्नॅचिंगच्या गुन्ह्यांवर मोठा आळा बसला आहे.
प्रकरणाचा मागोवा : सीसीटीव्हीच्या मदतीने मिळाला सुराग
२९ जुलै २०२५ रोजी, फिर्यादी पुणे स्टेशन प्लॅटफॉर्म क्रमांक ६ वरून एआयएसएसएमएस कॉलेजकडे चालत असताना दोन अनोळखी मुलांनी त्यांच्या गळ्यातील मंगळसूत्र हिसका मारून पळ काढला. बंडगार्डन पोलीस स्टेशनमध्ये गुन्हा दाखल होताच तपास पथकाला सीसीटीव्ही फुटेजच्या आधारे सुगावा मिळू लागला. ५५ हून अधिक सीसीटीव्ही कॅमेरे तपासल्यानंतर, आरोपी सातारा जिल्ह्यातील असल्याचे उघड झाले. पोलीस पथकाने तत्काळ कराड तालुक्यातील नडशी गावात धाड घालत दोन्ही आरोपींना ताब्यात घेतले.
आरोपी विधीसंघर्षित; गुन्ह्याची कबुली
तपासात आरोपी हे विधीसंघर्षित (जुवेनाईल) असल्याचे निष्पन्न झाले. चौकशीत त्यांनी जबरी चोरीची कबुली देत पुणे स्टेशन परिसरातील इतर चोरीचे गुन्हेही उघडकीस आणले.
मुद्देमालाची सुटका
-
सोन्याचे मंगळसूत्र : ₹2,00,000/-
-
Honda Activa स्कूटर : ₹50,000/-
एकूण मुद्देमाल : ₹2,50,000/- हस्तगत
सोन्याचा गंठण आरोपींनी ज्या ठिकाणी गहाण ठेवला होता तेथून पूर्णपणे हस्तगत करण्यात आले आहे.
पोलिसांची प्रभावी टीमवर्क
ही कारवाई वरिष्ठ अधिकाऱ्यांच्या मार्गदर्शनाखाली करण्यात आली:
मार्गदर्शन :
-
मा. अपर पोलीस आयुक्त, पश्चिम विभाग – श्री. राजेंद्र बनसोडे
-
मा. पोलीस उप-आयुक्त, परिमंडळ २ – श्री. मिलिंद मोहिते
-
मा. सहाय्यक पोलीस आयुक्त, लष्कर विभाग – श्रीमती संगिता आल्फोन्सो शिंदे
कारवाई करणारे अधिकारी व कर्मचारी :
वरिष्ठ पोलीस निरीक्षक संतोष पांढरे, निरीक्षक (गुन्हे) निलकंठ जगताप यांच्या सूचनेनुसार
-
PSI धीरज गुप्ता
-
API मोहन काळे
-
पोलीस अंमलदार : प्रदीप शितोळे, सारस साळवी, प्रकाश आव्हाड, महेश जाधव, ज्ञानेश्वर बडे, मनोज भोकरे, शिवाजी सरक, ज्ञानेश्वर गायकवाड
