पुणे | प्रतिनिधी
‘बजाज पुणे ग्रँड टूर २०२६’ या प्रतिष्ठेच्या आंतरराष्ट्रीय UCI मानांकन प्राप्त सायकल स्पर्धेने पहिल्याच टप्प्यात प्रेक्षकांना रोमांचित केले. जागतिक दर्जाच्या सायकलपटूंनी दिलेल्या जबरदस्त स्पर्धेमुळे पुणे शहर पुन्हा एकदा आंतरराष्ट्रीय क्रीडा नकाशावर झळकले.
पहिल्या टप्प्यात एस्टोनियाच्या ‘क्विक प्रो टीम’चा अँड्रियास मॅटिल्डास याने ०२:००:२७ या वेळेसह दुसरा क्रमांक पटकावला, तर बेल्जियमच्या ‘टार्टलेटो-इसोरेक्स’ संघाचा योर्बेन लॉरीसन याने ०२:००:३० वेळ नोंदवत तिसरा क्रमांक मिळवला.
UCI नियमांनुसार पहिल्या तीन क्रमांकाच्या सायकलपटूंना अनुक्रमे १०, ६ आणि ४ सेकंदांचा टाइम बोनस देण्यात आला असून, हा बोनस पुढील टप्प्यांमध्ये एकूण क्रमवारीसाठी अत्यंत निर्णायक ठरणार आहे.
अपघातानंतरही शर्यत सुरक्षितपणे सुरू
दरम्यान, शर्यत सुरू झाल्यानंतर पहिल्या चेकपॉईंटनंतर दुसऱ्या गटातील काही सायकलपटूंमध्ये अपघाताची घटना घडली. UCI च्या सुरक्षा प्रोटोकॉलनुसार स्पर्धा सुमारे २३ मिनिटे थांबवण्यात आली. वैद्यकीय आणि तांत्रिक पथकाने तत्काळ मदत करत सर्व खेळाडू सुरक्षित असल्याची खात्री केल्यानंतर शर्यत पुन्हा सुरू करण्यात आली. आयोजकांच्या तात्काळ निर्णयक्षमतेचे यावेळी विशेष कौतुक करण्यात आले.
विविध जर्सी विजेते ठरले
पहिल्या टप्प्यानंतर विविध श्रेणींतील आघाडीवरील खेळाडूंना जर्सी प्रदान करण्यात आल्या —
-
यलो व ग्रीन जर्सी (जनरल व पॉइंट्स वर्गीकरण) : ल्यूक मडग्वे
-
पोलका डॉट जर्सी (बेस्ट क्लायंबर) : क्रिस्टियन रायलेनु (चीन)
-
ऑरेंज जर्सी (सर्वोत्तम आशियाई खेळाडू) : जंबालजाम्ट्स सैनबयार (मंगोलिया)
-
व्हाईट जर्सी (सर्वोत्तम युवा खेळाडू) : तामर स्पिएरो (नेदरलँड)
-
ब्लू जर्सी (सर्वोत्तम भारतीय खेळाडू) : हर्षवीर सिंग सेखॉन
