मुंबई : आज कुलाबा आणि मुंबादेवी मतदारसंघातील महायुतीच्या उमेदवारांची सदिच्छा भेट घेण्यात आली. या भेटीदरम्यान वॉर्ड क्रमांक २२६ मधील आमदार राहुल नार्वेकर जी आणि मकरंद नार्वेकर जी, तसेच वॉर्ड क्रमांक २२३ मधील रुपेश पाटील जी यांना निवडणुकीसाठी मनापासून शुभेच्छा देण्यात आल्या.
या भेटीत स्थानिक विकास, नागरिकांच्या मूलभूत समस्या, पायाभूत सुविधा, स्वच्छता, वाहतूक तसेच नागरी सोयी-सुविधांबाबत सकारात्मक चर्चा झाली. महायुतीचे उमेदवार जनतेशी सातत्याने संवाद ठेवून लोकाभिमुख निर्णय आणि पारदर्शक प्रशासन देण्यासाठी कटिबद्ध असल्याचे यावेळी स्पष्ट झाले.
कुलाबा आणि मुंबादेवीसारख्या ऐतिहासिक आणि महत्त्वाच्या मतदारसंघात महायुतीच्या उमेदवारांना जनतेकडून मोठा प्रतिसाद मिळत आहे. त्यांच्या कार्यपद्धतीवर आणि विकासाभिमुख दृष्टिकोनावर मतदारांचा ठाम विश्वास असल्याने ते निश्चितच विजयी होतील आणि जनतेच्या सेवेसाठी सदैव तत्पर राहतील, असा ठाम विश्वास यावेळी व्यक्त करण्यात आला.
आगामी काळात या भागातील विकासकामांना गती देत मुंबईच्या सर्वांगीण प्रगतीत मोलाचा वाटा उचलण्याचे कार्य महायुतीचे उमेदवार करतील, असेही नमूद करण्यात आले.
