पुणे – समर्थ पोलीस स्टेशनच्या तपास पथकाने अतिशय शिताफीने केलेल्या कारवाईत दोन दुचाकी चोरांना अटक करण्यात आली असून, त्यांच्या ताब्यातून चोरीस गेलेल्या दोन दुचाकी गाड्या जप्त करण्यात आल्या आहेत. सदर प्रकरणात पुणे पोलीस दलाने पुन्हा एकदा आपली दक्षता आणि कार्यक्षमतेचा ठसा उमटवला आहे.
दाखल गुन्हा क्रमांक १६६/२०२५ व १६८/२०२५ अन्वये, दोन नागरिकांनी आपल्या दुचाकी गाड्या पावर हाऊस चौक, रास्ता पेठ आणि इनामदार चौक, नाना पेठ येथे पार्क केल्या असताना अज्ञात चोरट्यांनी त्या चोरल्याची तक्रार दिली होती.
या तक्रारीच्या अनुषंगाने वरिष्ठ अधिकाऱ्यांच्या मार्गदर्शनाखाली समर्थ पोलीस ठाण्याकडून विशेष तपास पथक स्थापन करण्यात आले. पोलीस अंमलदार अमोल गावडे, इम्रान शेख व शरद घोरपडे यांनी घटनास्थळ परिसरातील सीसीटीव्ही फुटेजचे बारकाईने विश्लेषण केले तसेच गुप्त बातमीदारांच्या साहाय्याने माहिती मिळवून संशयित चोरट्यांचा माग काढला.
अखेर सुतारवाडी येथे केलेल्या कारवाईत एक आरोपी सागर वसंत शिंदे (वय ३०, रा. सुतारवाडी) याला ताब्यात घेण्यात आले. त्याने के. के. मोटर्स, रास्ता पेठ येथून गाडी चोरी केल्याची कबुली दिली. तसेच दुसरा आरोपी सुबोजित राजेंद्र दास (वय २८, मुळगाव – भद्रेश्वर, पश्चिम बंगाल) याने इनामदार चौकातून चेतक दुचाकी चोरी केल्याचे मान्य केले.
या दोघांकडून एकूण दोन दुचाकी गाड्या जप्त करण्यात आल्या असून, त्यांना दि. २० जुलै २०२५ रोजी अटक करण्यात आली आहे. पुढील तपास अधिक गतीने सुरू असून, आणखी गुन्ह्यांचा उलगडा होण्याची शक्यता आहे.
ही यशस्वी कारवाई अपर पोलीस आयुक्त राजेश बनसोडे, पोलीस उपआयुक्त कृषिकेश रावले, सहायक आयुक्त अनुजा देशमाने, वरिष्ठ पोलीस निरीक्षक अनुजा देशमाने, पोनि उमेश गित्ते व चेतन मोरे यांच्या मार्गदर्शनाखाली पार पडली.
तपास पथकात पु.उ.नि. जालिंदर फडतरे, सपोफो पागार, औचरे, पोलीस अंमलदार रोहीदास वाघेरे, शिवा कांबळे, भाग्येश यादव यांचा मोलाचा सहभाग होता.
✅ दोन दुचाकी चोरीचे गुन्हे उघडकीस ✅ दोघा आरोपींना अटक, दुचाकी जप्त ✅ सीसीटीव्ही व गुप्त माहितीच्या आधारे तपास ✅ पुणे पोलीसांची तत्पर व शिताफी कारवाई ✅ नागरिकांचे सहकार्य आणि पोलीसांची दक्षता ठळकपणे अधोरेखित
