विधान भवन, मुंबई येथे मुख्यमंत्री देवेंद्र फडणवीस यांच्या उपस्थितीत एक ऐतिहासिक क्षण अनुभवायला मिळाला, जेव्हा विधानपरिषदेचे सभापती प्रा. राम शिंदे, विधानसभा अध्यक्ष ॲड. राहुल नार्वेकर, उपमुख्यमंत्री एकनाथ शिंदे व उपमुख्यमंत्री अजित पवार, विधानपरिषदेच्या उपसभापती डॉ. नीलम गोऱ्हे, विधानसभा उपाध्यक्ष अण्णा बनसोडे, विधानपरिषदेचे विरोधी पक्षनेते अंबादास दानवे आणि मंत्रीमंडळातील विविध मंत्री यांच्यासह विधानपरिषदेचे सदस्य एकत्र आले.
या प्रसंगी घेतलेल्या सामूहिक छायाचित्रात विधानमंडळातील सत्ताधारी व विरोधक एकत्र दिसून आले. हा क्षण लोकशाही मूल्यांची साक्ष देणारा ठरला. अशा सामूहिक उपस्थितीतून राज्याच्या विकासासाठी एकत्रित विचारमंथन व धोरणनिर्धारणास हातभार लागेल, असा विश्वास व्यक्त केला जात आहे.
या ऐतिहासिक उपस्थितीमुळे विधानभवनात उत्साहाचे वातावरण निर्माण झाले. विविध विकासकामे, धोरणे आणि विधिमंडळाचे पावसाळी अधिवेशन यासंदर्भात सकारात्मक चर्चा आणि निर्णय अपेक्षित आहेत.
🔸एकत्रित उपस्थिती म्हणजेच राज्याच्या लोकशाही प्रक्रियेचा आत्मा! 🔸जनतेच्या प्रश्नांवर एकसंघ प्रयत्नांची सुरुवात!
