पुणे :- नाना पेठेतील संत कबीर चौक येथील ‘शार्प कलर’ दुकानात चोरी करून मौजमजेसाठी पैसे लंपास करणाऱ्या चार चोरट्यांना समर्थ पोलीस स्टेशनच्या तपास पथकाने अवघ्या चार तासांत जेरबंद केल्याने परिसरात कौतुकाचा वर्षाव होत आहे.
दिनांक ५ जुलै ते ६ जुलै दरम्यान, अज्ञात चोरट्यांनी शटर वाकवून, कुलूप तोडून दुकानात प्रवेश केला आणि ड्रॉवरमधील रु.१५,५००/- चोरून नेले होते. या प्रकरणी समर्थ पोलीस ठाण्यात गु.र.नं. १५०/२०२५ भा.दं.वि. कलम ३०५ (अ), ३३१(३), ३३१(४) अन्वये गुन्हा दाखल करण्यात आला होता.
तपास पथकाने घटनास्थळावरील तसेच परिसरातील सीसीटीव्ही फुटेजची बारकाईने तपासणी केली. याशिवाय गुप्त बातमीदारांमार्फत मिळालेल्या माहितीनुसार संशयित आरोपींचा शोध घेऊन त्यांना शिताफीने अटक करण्यात आली.
अटक केलेले आरोपी:
-
सुजल राजन परदेशी (वय २०) – रा. मंगळवार पेठ
-
सुभाष राजेश सरोज (वय २१) – रा. मंगळवार पेठ
-
नितीन विलीप सरोज (वय २२) – रा. मंगळवार पेठ
-
रोहित मुन्नालाल सरोज (वय २२) – रा. मंगळवार पेठ
