पुणे | १० मे २०२५ :- हडपसर पोलिसांनी पुन्हा एकदा सराईत गुन्हेगारांवर कारवाई करत दोन गंभीर गुन्ह्यांत अडकलेल्या एका गुन्हेगारास दोन वर्षांसाठी पुणे शहर व परिघातून तडीपार केले आहे. या कारवाईने हडपसर परिसरातील नागरिकांमध्ये समाधान व्यक्त होत आहे, तर गुन्हेगारी प्रवृत्तींना स्पष्ट इशारा दिला गेला आहे की, गुन्हेगारीला माफी नाही.
गुन्ह्यांचा इतिहास:
सदर आरोपीवर हडपसर पोलीस ठाणे येथे खालीलप्रमाणे गंभीर गुन्हे दाखल होते:
-
सी. आर. पी. सी. ११०, चॅ.के.नं. १२८/२०२०
-
सी. आर. पी. सी. ११०, चॅ. के. नं. ३६१/२०२३
या दोन्ही गुन्ह्यांमध्ये गुन्हेगारी प्रवृत्ती, परिसरात दहशत आणि कायदा सुव्यवस्थेला धोका निर्माण करणाऱ्या वर्तनामुळे, संबंधित आरोपीविरुद्ध म.पो.का. कलम ५६ अंतर्गत दोन वर्षांच्या तडीपारीची कार्यवाही करण्यात आली आहे.
कारवाईचे नेतृत्व व यशस्वी अंमलबजावणी:
ही महत्वाची कारवाई मा. अप्पर पोलीस आयुक्त (गुन्हे) श्री. शैलेश बलकवडे, पोलीस उपायुक्त (गुन्हे) श्री. निखिल पिंगळे, तसेच सहा. पोलीस आयुक्त (गुन्हे-२) श्री. राजेंद्र मुळे यांच्या मार्गदर्शनाखाली गुन्हे शाखा युनिट ६ ने यशस्वीपणे पार पाडली.
कारवाईत पुढील अधिकाऱ्यांनी विशेष सहभाग घेतला:
-
प्रभारी पोलीस निरीक्षक श्री. वाहिद पठाण
-
सहा. पोलीस निरीक्षक मदन कांबळे
-
पो.उ.नि. रामकृष्ण दळवी
-
पोलीस अंमलदार: बाळासाहेब सकटे, रमेश मेमाणे, नितीन मुंढे, कानिफनाथ कारखेले, सुहास तांबेकर, ऋषीकेश ताकवणे, सचिन पवार, ऋषीकेश व्यवहारे, शेखर काटे, गणेश डोंगरे, नितीन धाडगे, बाळासाहेब तनपुरे, प्रतिक्षा पानसरे, किर्ती मांदळे
