स्टँडअप कॉमेडियन आणि बिग बॉस हिंदी सीझन १७ चे विजेते मुनव्वर फारुकी यांच्यावर पुन्हा एकदा वादाच्या जाळ्यात अडकण्याची शक्यता आहे. नुकत्याच एका कॉमेडी कार्यक्रमात मुनव्वर फारुकी यांनी कोकणी व्यक्तीवर केलेल्या वादग्रस्त वक्तव्यामुळे त्यांच्यावर टीका होत आहे. या वक्तव्याचा व्हिडिओ सध्या सोशल मीडियावर व्हायरल झाला आहे, ज्यामुळे लोकांमध्ये संताप व्यक्त केला जात आहे. याचबरोबर महाराष्ट्र नवनिर्माण सेना (मनसे), भारतीय जनता पक्ष (भाजप) आणि शिवसेना (शिंदे गट) नेत्यांनीही मुनव्वर फारुकी यांच्यावर कडक टीका केली आहे.
मुनव्वर फारुकी यांनी कोकणी व्यक्तीबद्दल अश्लील भाषा वापरल्याने मनसेने आक्षेप नोंदवला आहे. भाजप नेते नितेश राणे यांनीदेखील मुनव्वर फारुकी यांना लक्ष केले आहे. तसेच शिवसेना (शिंदे गट) चे नेते साधन सरवणकर यांनी देखील मुनव्वर यांना लक्ष्य केले आहे. सरवणकर म्हणाले, “जो कुणी मुनव्वरला चिरडेल त्याला एक लाखाचे बक्षीस दिले जाईल.”
मनसेच्या एका अधिकाऱ्याने फेसबुकवर पोस्ट करून जाहीर केले आहे की, “जर मुनव्वरने कोकणी लोकांची माफी मागितली नाही, तर हे पाकिस्तान प्रेमी मुनव्वरला जिथे दिसेल तिथे चिरडतील. त्याला समजून द्या की कोकणी माणूस कसा वागत असतो. जो कुणी मुनव्वरला चिरडेल त्याला एक लाखाचे बक्षीस देण्यात येईल.”
दुसरीकडे, भाजप नेते नितेश राणे यांनी देखील मुनव्वर फारुकी यांच्यावर कडक शब्दात टीका केली आहे. “हा मुनव्वर फारुकी नावाचा हिरव्या साप कोण आहे, त्याची जीभ आता हलायला लागली आहे. जर त्याला त्याच्या स्टँडअप कॉमेडीमध्ये कोकणी माणसांचा मजाक करण्याची इच्छा असेल, तर आम्हाला त्याचा पत्ता चांगलाच माहीत आहे. लवकरच त्याला मालवणी हिस्का दाखवला जाईल.” नितेश राणे यांनी सांगितले, “कोकणी माणसाचा असा अपमान केल्यास आम्हाला तुम्हाला पाकिस्तानात पाठवायला वेळ लागणार नाही.”
मुनव्वर फारुकी त्यांच्या स्टँडअप कॉमेडीत प्रेक्षकांना विचारतात, “सर्व मुंबईचे आहेत का?” “कोणीतरी दूरवरून आले आहे का?” त्यावर एक प्रेक्षक म्हणतो, “मी तळोजातून आलो आहे.” त्यावर मुनव्वर म्हणतो, “बरं, तुम्ही आज प्रवास केला का?” मग तुम्ही तळोजा म्हणत आहात. तळोजा मुंबईपासून वेगळा झाला. पण त्यांच्या गावातील लोक त्यांना विचारतात की ते कुठे राहतात? ते म्हणतात की ते मुंबईत राहतात. मुनव्वर फारुकी यांनी वादग्रस्त विधान केले की हे कोकणी लोक सर्वांना चु** बनवतात. मुनव्वरचा हा व्हिडिओ सध्या सोशल मीडियावर मोठ्या प्रमाणात व्हायरल होत आहे.
