मुंबई : छत्रपती शिवाजी महाराजांच्या जयंतीनिमित्त मुंबई येथील ‘वर्षा’ या शासकीय निवासस्थानी ‘पुण्यनगरी’ लातूर आवृत्तीच्या ‘शिवजन्मोत्सव’ विशेषांकाचे प्रकाशन उत्साहात संपन्न झाले. मा. मुख्यमंत्री Devendra Fadnavis यांच्या हस्ते आणि मान्यवरांच्या उपस्थितीत हा सोहळा पार पडला. शिवजयंतीच्या पूर्वसंध्येला झालेल्या या कार्यक्रमामुळे वातावरण शिवमय झाले होते.
यावर्षीचा विशेषांक शिवकालीन पराक्रम आणि दुर्गवैभवावर आधारित असून, बारा ऐतिहासिक गड-किल्ल्यांच्या इतिहासाचा सखोल आढावा यात मांडण्यात आला आहे. नुकतेच युनेस्कोने जागतिक वारसा स्थळांचा दर्जा दिलेल्या महाराष्ट्रातील गड-किल्ल्यांचा गौरव या अंकातून अधोरेखित करण्यात आला आहे.
विशेषांकात Shivneri Fort, Rajgad Fort, Panhala Fort, Pratapgad Fort, Lohagad Fort, Khanderi Fort, Sindhudurg Fort, Suvarnadurg Fort, Vijaydurg Fort, Salher Fort तसेच तामिळनाडूतील Gingee Fort या दुर्गांचा इतिहास, वास्तुशिल्प आणि सामरिक महत्त्व यांचा विस्तृत लेखाजोखा सादर करण्यात आला आहे.
या गड-किल्ल्यांना जागतिक वारसास्थळ म्हणून मिळालेली मान्यता ही महाराष्ट्रासाठी अभिमानाची बाब असून, छत्रपती शिवरायांना दिलेली वैश्विक मानवंदना असल्याचे मत मान्यवरांनी व्यक्त केले. शिवरायांच्या दूरदृष्टी, शौर्य आणि सुजाण प्रशासनाचा वारसा आजच्या पिढीपर्यंत पोहोचविण्याचा हा विशेषांक महत्त्वपूर्ण दुवा ठरणार असल्याचेही यावेळी सांगण्यात आले.
इतिहास अभ्यासक, संशोधक आणि नामवंत लेखकांच्या लेखणीतून शिवकालीन पराक्रम, स्वराज्य स्थापनेचा प्रवास आणि दुर्गसंस्कृतीचे वैभव प्रभावीपणे मांडण्यात आले आहे. विद्यार्थ्यांसाठी, इतिहासप्रेमींसाठी आणि संशोधकांसाठी हा अंक मार्गदर्शक ठरेल, असा विश्वास व्यक्त करण्यात आला. या कार्यक्रमास आमदार अभिमन्यू पवार, ‘पुण्यनगरी’ लातूरचे वृत्तसंपादक राम जेवरे, नगरसेवक पुनीत पाटील, दिगंबर सगरे, विनोद बेलकुंदे आदी मान्यवर उपस्थित होते.कार्यक्रमाच्या निमित्ताने ‘वर्षा’ येथे शिवरायांच्या कार्याचा गौरव करणारे वातावरण निर्माण झाले होते. शिवजयंतीच्या पूर्वसंध्येला झालेला हा प्रकाशन सोहळा महाराष्ट्राच्या सांस्कृतिक अभिमानाचे प्रतीक ठरला.
