महाराष्ट्राच्या राजकारणात इतिहास घडला; सुनेत्रा अजित दादा पवार यांची पहिल्या महिला उपमुख्यमंत्री म्हणून शपथ

मुंबई | लोकभवन | प्रतिनिधी

संध्या. ५.०५ वा. | ३१-०१-२०२६
📍 लोकभवन, मुंबई

महाराष्ट्राच्या राजकीय इतिहासात आज ऐतिहासिक क्षणाची नोंद झाली. राज्यपाल आचार्य देवव्रत यांनी मुख्यमंत्री देवेंद्र फडणवीस यांच्या प्रमुख उपस्थितीत श्रीमती सुनेत्रा अजित दादा पवार यांना महाराष्ट्राच्या पहिल्या महिला उपमुख्यमंत्री म्हणून शपथ दिली. मुंबईतील लोकभवन येथे सायंकाळी ५.०५ वाजता हा भव्य शपथविधी सोहळा पार पडला.

या वेळी उपमुख्यमंत्री एकनाथ शिंदे, राज्य मंत्रिमंडळातील सर्व मंत्री, विविध पक्षांचे ज्येष्ठ नेते, आमदार, वरिष्ठ अधिकारी तसेच मान्यवर मोठ्या संख्येने उपस्थित होते. शपथविधीनंतर सभागृहात टाळ्यांचा कडकडाट झाला आणि अनेक नेत्यांनी सुनेत्रा पवार यांचे अभिनंदन करत पुढील वाटचालीसाठी शुभेच्छा दिल्या.

दिवंगत उपमुख्यमंत्री अजित दादा पवार यांच्या अकाली निधनानंतर निर्माण झालेल्या परिस्थितीत सुनेत्रा पवार यांनी नेतृत्वाची जबाबदारी स्वीकारत राज्यकारभारात नवा अध्याय सुरू केला आहे. त्यांच्या शपथविधीमुळे राज्यातील महिलांसाठी राजकारणातील एक नवा मार्ग खुला झाला असून, महिला सक्षमीकरणाच्या दृष्टीने हा क्षण अत्यंत प्रेरणादायी मानला जात आहे.

शपथ घेतल्यानंतर सुनेत्रा अजित दादा  पवार यांनी राज्याच्या विकासासाठी, सामाजिक न्यायासाठी आणि सर्वसामान्य जनतेच्या हितासाठी कटिबद्ध राहण्याचा निर्धार व्यक्त केला. त्यांच्या नेतृत्वाकडून राज्यातील जनतेला स्थिर, संवेदनशील आणि विकासाभिमुख प्रशासनाची अपेक्षा आहे.