मुंबई (दहिसर) : आज सकाळच्या मॉर्निंग वॉकदरम्यान दहिसर परिसरात लहान मुलांपासून तरुण आणि ज्येष्ठ नागरिकांपर्यंत सर्व वयोगटांतील नागरिकांशी थेट संवाद साधण्याची संधी मिळाली. या भेटीत नागरिकांनी आपल्या परिसरातील प्रलंबित प्रश्न, दैनंदिन समस्या आणि विकासाशी संबंधित अडचणी मोकळेपणाने मांडल्या. रस्ते, पाणीपुरवठा, स्वच्छता, वाहतूक, आरोग्य सुविधा तसेच नागरी सोयीसुविधांबाबत नागरिकांनी आपल्या अपेक्षा स्पष्ट केल्या.
यावेळी नागरिकांच्या प्रत्येक मुद्द्याची गांभीर्याने नोंद घेत, दहिसरमधील सर्व प्रश्नांवर सखोल विचार करून योग्य त्या उपाययोजना करण्यात येतील, असा ठाम विश्वास नागरिकांना देण्यात आला. स्थानिक प्रश्न केवळ कागदावर न ठेवता, प्रत्यक्ष अंमलबजावणीवर भर दिला जाईल, असेही यावेळी स्पष्ट करण्यात आले.
थेट संवादातूनच लोकप्रतिनिधी आणि नागरिकांमधील विश्वास अधिक दृढ होतो, असे नमूद करत नागरिकांच्या सहभागातूनच दहिसरचा सर्वांगीण विकास शक्य आहे, असे मत व्यक्त करण्यात आले. भविष्यातही अशा प्रकारचा नियमित संवाद सुरू ठेवत नागरिकांच्या अडचणी समजून घेणे आणि त्या सोडवणे हेच प्राधान्य राहील, असा निर्धार यावेळी व्यक्त करण्यात आला.
दहिसरच्या विकासासाठी पारदर्शक, लोकाभिमुख आणि परिणामकारक कामकाज करण्याची भूमिका यानिमित्ताने पुन्हा एकदा अधोरेखित झाली असून, नागरिकांनीही या संवादाचे स्वागत करत समाधान व्यक्त केले.
