पुणे — येरवडा परिसरात स्वतःच्या नावाची दहशत निर्माण करण्यासाठी तोडफोड करणारा आणि पोलिसांचा डोकेदुखी ठरलेला फरार आरोपी समीर शब्बीर शेख (वय २७) अखेर पोलिसांच्या सापळ्यात सापडला आहे. यापूर्वी MPDA आणि MCOCA सारख्या गंभीर कारवाईनंतरही हा आरोपी पुन्हा दहशतीचा मार्ग अवलंबत होता. जामिनावर सुटताच त्याने परिसरात पुन्हा हाणामारी, तोडफोड आणि धमकावणे सुरू केले होते.
येरवडा पोलीस स्टेशनमध्ये दाखल गुन्हा क्रमांक ७०६/२०२५, भारतीय दंड संहिता कलम ११८(१), १८९(२), १९०, १९१(२) तसेच भारतीय हत्यार कायदा आणि क्रिमिनल लॉ अमेंडमेंटनुसार गंभीर स्वरूपाचा गुन्हा दाखल होता.
कशी केली अटक? गोपनीय माहितीवरून सापळा
खास बातमीदारामार्फत माहिती मिळाली की आरोपी लोहगाव येथील पवार वस्ती भागात आपल्या मित्राकडे भेट देण्यासाठी येणार आहे. त्यानंतर पोलीस उपनिरीक्षक महेश फटांगरे यांच्या नेतृत्वाखालील पथकाने तात्काळ सापळा रचला.
अखेरीस आरोपी त्या ठिकाणी दिसताच त्याला वेढा देत ताब्यात घेण्यात आले. चौकशीत त्याने जुन्या वैमनस्यातून आणि ‘आपली दहशत टिकवण्यासाठी’ तोडफोड केली असल्याची कबुली दिली.
वरिष्ठ अधिकाऱ्यांचे मार्गदर्शन — पोलिसांची अचूक टीमवर्क
ही कारवाई पुढील वरिष्ठ अधिकाऱ्यांच्या मार्गदर्शनाखाली झाली— ▪️ मा. अपर पोलीस आयुक्त (पूर्व), श्री. मनोज पाटील ▪️ मा. पोलीस उपायुक्त, परिमंडळ ४ — श्री. सोमय मुंडे ▪️ मा. सहायक पोलीस आयुक्त, येरवडा — सौ. प्रांजली सोनवणे ▪️ वरिष्ठ पोलीस निरीक्षक, येरवडा — श्री. अंजुम बागवान ▪️ पोलीस निरीक्षक (गुन्हे) — श्री. विजय ठाकर
कारवाई करणाऱ्या पथकात— महेश फटांगरे, प्रदीप सुर्वे, महेंद्र शिंदे, मुकुंद कोकणे, शैलेश वाबळे, बालाजी सोगे, भीमराव कांबळे, नटराज सुतार, अतुल जाधव, अक्षय शिंदे, अमोल गायकवाड, संदीप जायभाय यांनी सक्रिय सहभाग घेतला.
परिसरात दिलासा — दहशतीला पूर्णविराम
या आरोपीमुळे गेल्या काही महिन्यांपासून येरवडा परिसरात भीतीचे वातावरण निर्माण झाले होते. दुकाने, घरे, वाहने यांच्यावर तोडफोड करून धमकावणे, स्थानिक नागरिकांना त्रास देणे, हे प्रकार वाढले होते.
अखेर या अटकेमुळे परिसरातील नागरिकांनी सुटकेचा निश्वास टाकला असून, पोलिसांच्या या जलद कारवाईचे त्यांनी स्वागत केले आहे.
