पुणे — तंत्रज्ञानाच्या युगात मोबाईल हरवणे ही मोठी समस्या ठरली असताना, सिंहगड रोड पोलीस स्टेशनने पुन्हा एकदा नागरिकांना दिलासा देणारी उल्लेखनीय कामगिरी बजावली आहे. एकूण २० गहाळ मोबाईल शोधून संबंधित नागरिकांना परत करण्यात पोलिसांना यश मिळाले आहे.
गहाळ मोबाईलची नोंद अनेक नागरिकांनी ‘LOST AND FOUND’ या शासकीय वेबसाईटवर तसेच CIER पोर्टलवर करून सिंहगड रोड पोलीस ठाण्यात तक्रार नोंदवली होती. या तक्रारींवर तातडीने कारवाई करत, तपास पथकाने मोबाईलचे IMEI नंबरचे तांत्रिक विश्लेषण करून सर्व मोबाईल शोधून काढले.
तपास पथकाची काटेकोर मेहनत
ही संपूर्ण कारवाई सिंहगड रोड पोलीस ठाण्याचे वरिष्ठ पोलीस निरीक्षक श्री. दिलीप दाईंगडे आणि पोलीस निरीक्षक (गुन्हे) उल्हास कदम यांच्या मार्गदर्शनाखाली करण्यात आली.
प्रभारी अधिकारी पोलीस उपनिरीक्षक संतोष भांडवलकर आणि पोलीस अंमलदार सतीश मोरे यांनी तांत्रिक तपासाच्या मदतीने सखोल तपास करून मोबाईल लोकेशन ट्रॅक केली. अखेर २५ नोव्हेंबर रोजी सर्व मोबाईल मालकांना त्यांच्या ताब्यात परत देण्यात आले.
मोबाईल परत मिळाल्याने अनेक नागरिकांनी पोलिसांच्या या सेवाभावी कामाचे कौतुक केले. काही नागरिकांनी सांगितले की, “आशा सोडली होती, पण पोलिसांनी आमच्या मोबाईलचा शोध घेऊन खरोखरी मदत केली.”
उत्कृष्ट सहकार्य आणि समन्वय
ही कारवाई पुढील वरिष्ठ अधिकाऱ्यांच्या मार्गदर्शनाखाली पार पडली— ▪️ मा. अपर प्रादेशिक आयुक्त पश्चिम विभाग — श्री. राजेंद्र बनसोडे ▪️ मा. पोलीस उप-आयुक्त परिमंडळ ३ — श्री. संभाजी कदम ▪️ मा. सहायक पोलीस आयुक्त, सिंहगड रोड विभाग — श्री. अजय परमार
तपास पथकातील अधिकारी आणि कर्मचारी संतोष भांडवलकर, संजय शिंदे, उत्तम तारू, अण्णा केकाण, विकास बांदल, सतीश मोरे, गणेश झगडे, राहुल ओलेकर, निलेश भोरडे, देवा चव्हाण, तानाजी सागर, समीर माळवदकर, संदीप कांबळे, सागर शेडगे, विनायक मोहीते यांनी मिळून ही कामगिरी यशस्वी पूर्ण केली.
नागरिकांसाठी दिलासा देणारा उपक्रम
मोबाईल हे आजच्या काळातील महत्वाचे साधन असल्याने, ते हरवल्याने नागरिकांवर मानसिक आणि आर्थिक ताण येतो. पुणे पोलिसांचा ‘Lost and Found’ उपक्रम, त्वरित तक्रार नोंदणी आणि IMEI तंत्रज्ञानाचा वापर यामुळे अनेकांना त्यांचे मौल्यवान मोबाईल परत मिळत आहेत.
यामुळे पोलिसांवर नागरिकांचा विश्वास अधिक दृढ होत आहे.
मोबाईल हरवला तर काय कराल?
▪️ LOST AND FOUND पोर्टलवर नोंदणी करा ▪️ CIER पोर्टलवर तक्रार नोंदवा ▪️ जवळच्या पोलिस स्टेशनमध्ये FIR किंवा तक्रार द्या ▪️ IMEI नंबर सुरक्षित ठेवा
