आगामी कावड पालखी उत्सव २०२५ च्या पार्श्वभूमीवर अकोला जिल्ह्यातील उत्साही वातावरणात सुरक्षा आणि समन्वयाच्या दृष्टिकोनातून एक महत्त्वपूर्ण बैठक घेण्यात आली. अकोला जिल्ह्याचे कर्तव्यदक्ष पोलीस अधीक्षक मा. श्री. अर्चित चांडक (IPS) (@archit.59) यांच्या मार्गदर्शनाखाली ही बैठक पार पडली.
या बैठकीत जिल्ह्यातील सार्वजनिक कावड पालखी मंडळांचे पदाधिकारी, कार्यकर्ते यांची उपस्थिती लक्षणीय होती. मंडळांशी संवाद साधताना श्री. चांडक यांनी त्यांच्या अडचणी, मागण्या आणि सूचना अत्यंत मनापासून ऐकून घेतल्या आणि त्यावर समर्पक उपाय योजना राबवण्याचे आश्वासन दिले.
बैठकीतील ठळक मुद्दे:
उत्सवाच्या काळात यात्रेच्या मार्गावर चोख बंदोबस्त, वाहतूक नियंत्रण आणि आपत्कालीन व्यवस्थापन यासंबंधी माहिती देण्यात आली.
गावोगावच्या कावड पालखी मिरवणुका शांततेत पार पडाव्यात, यासाठी मंडळांनी देखील सहकार्य करावे, असे आवाहन करण्यात आले.
कोणतीही अनुचित घटना घडू नये म्हणून सर्व मंडळांना सुरक्षेचे मार्गदर्शन, कायद्यानुसार वागणूक आणि संयम बाळगण्याचे आवाहन करण्यात आले.
या बैठकीस SDPO तसेच ठाणे प्रभारी अधिकारी व अकोला पोलिसांचे विविध विभागप्रमुख उपस्थित होते.
पोलीस अधीक्षकांनी स्पष्ट केले की, “अकोला पोलीस हे जनतेच्या सहकार्याने सुसंस्कृत, सुरक्षित आणि शांततेत उत्सव साजरा करण्यासाठी कटिबद्ध आहेत.”
जनतेचा सहभाग, प्रशासनाचा बंदोबस्त आणि श्रद्धेचा संगम म्हणजेच यंदाचा कावड उत्सव अधिक भव्य, शांततामय आणि अनुकरणीय ठरणार आहे.
