मुंबई | २३ जुलै २०२५ – मुंबईत संततधार पावसामुळे पुन्हा एकदा धोक्याची घंटा वाजली आहे. शहरातील एका टेकडीवर उभारण्यात आलेली घरे आणि संरक्षक भिंती अवघ्या १० सेकंदांत जमीनदोस्त झाल्याची धक्कादायक घटना समोर आली आहे. संपूर्ण घटना कॅमेऱ्यात कैद झाली असून, याचा व्हिडीओ सोशल मीडियावर जोरदार व्हायरल होत आहे.
घटनास्थळी कोणतीही जीवितहानी झाली नाही, ही बाब सुदैवाची ठरली आहे. मात्र ही दुर्घटना नागरिकांच्या आणि प्रशासनाच्या डोळ्यांत अंजन घालणारी ठरली आहे. स्थानिक प्रशासनाने तत्काळ घटनास्थळी पोहोचत मलबा हटवण्याचे काम सुरू केले आहे. तसंच आजूबाजूच्या इमारतींना तातडीने रिकामं करण्यात आलं आहे.
या दुर्घटनेमुळे अनधिकृत बांधकाम, टेकड्यांवर होणारी झोपडपट्टीची वाढ, व पर्यावरणाच्या नियमांची होणारी पायमल्ली यावर पुन्हा एकदा प्रश्नचिन्ह निर्माण झाले आहे.
प्रशासनाची प्रतिक्रिया आणि पुढील उपाययोजना:
मध्यम ते मुसळधार पावसामुळे शहरातील अनेक ठिकाणी दरडी कोसळण्याचा धोका वाढला आहे. त्यामुळे महापालिका आणि आपत्ती व्यवस्थापन विभागाने रात्रंदिवस सतर्क राहण्याचे आदेश दिले आहेत.
नागरिकांनी अशा झोनमधून तातडीने स्थलांतर करावे, अनधिकृत बांधकामात राहू नये आणि कुठलीही धोक्याची स्थिती दिसल्यास त्वरित प्रशासनाशी संपर्क साधावा, असे आवाहन करण्यात आले आहे.
पावसाचा रौद्ररूप – १० सेकंदात टेकडीवरील घरे जमीनदोस्त!
मुंबईत मोठा प्रकार, सुदैवाने जीवितहानी नाही प्रशासनाने मलबा हटवला, घरं रिकामी केली
