मुंबई – अलीकडेच झालेल्या एका सार्वजनिक कार्यक्रमात देशातील उद्योजक क्षेत्रातील अग्रणी व्यक्तींच्या उपस्थितीत, अंबानी कुटुंबातील महिलांनी मराठीतून भाषण करत सर्वांचं लक्ष वेधून घेतलं. त्यांच्या या सुसंस्कृत आणि प्रेमळ मराठी भाषणाने महाराष्ट्रात विशेष आनंदाची आणि अभिमानाची लाट उसळली आहे.
“किती गोड आणि स्पष्ट मराठी!” अंबानी मॅडमचं भाषण केवळ शुद्ध मराठीत नव्हे, तर महाराष्ट्राच्या संस्कृतीचा आदर राखत, आत्मियतेने सादर केलं गेलं. त्या म्हणाल्या, “जरी आम्ही जन्माने इथेले नसलो, तरी आमच्या कर्माने आम्ही मराठी आहोत.” या वाक्याने अनेकांच्या डोळ्यांत आनंदाश्रू आले.
आता टीकाकार कुठे आहेत? मराठीबद्दल नेहमीच शंका उपस्थित करणारे, “मराठी माणूस मागे पडतो”, “इतर भाषिकांकडून मराठीचा अपमान होतो” असं म्हणणाऱ्यांनी आता या उदाहरणातून शिकावं. कारण हे उदाहरण मराठीचा सन्मान करणाऱ्यांचं आहे, फूट पाडणाऱ्यांचं नाही.
मराठी विरुद्ध इतर भाषांचा वाद निर्माण करणाऱ्यांना उत्तर! दुर्दैवाने, काही मंडळी समाजात सतत मराठी विरुद्ध हिंदी, मराठी विरुद्ध गुजराती असं द्वेषाचे राजकारण करत असतात. पण अशा घटनांमधून हे स्पष्ट होतं की, माणसाची भाषा नव्हे तर भावना महत्त्वाची असते. आणि जेव्हा भावना खर्या असतात, तेव्हा भाषा आपोआप गोड वाटते.
महाराष्ट्राची ओळख – सर्वांना सामावून घेणारा राज्य महाराष्ट्राने कधीही कोणत्याही भाषिकाला किंवा समाजाला दुजाभाव केला नाही. इथे आलेल्या प्रत्येकाला काम, संस्कृती, आणि प्रेम दिलं. त्यामुळे इथे राहणाऱ्यांनीही मराठी भाषा आणि संस्कृतीचा आदर राखला पाहिजे.
ज्यांनी टीका केली, त्यांनी आता शिकावं! ज्यांना मराठी भाषा ‘अडाणी’, ‘ग्रामीण’, ‘चालत नाही’ वाटते, त्यांनी अंबानी मॅडमचं भाषण ऐकावं आणि मराठीची ताकद अनुभवावी. भाषा ही आत्मियतेची ओळख असते, आणि ज्या भाषेत प्रेमाने बोललं जातं, तीच लोकांच्या मनात घर करते.
