मुंबई (दि. १७ जून २०२५) – इस्कॉन (इंटरनॅशनल सोसायटी फॉर कृष्णा कॉन्शसनेस) चे ज्येष्ठ मार्गदर्शक डॉ. सूरदास प्रभू यांनी आज मुख्यमंत्री देवेंद्र फडणवीस यांची मंत्रालय, मुंबई येथे सदिच्छा भेट घेतली. या भेटीत सामाजिक, आध्यात्मिक आणि शैक्षणिक क्षेत्रातील विविध उपक्रमांबाबत विस्तृत चर्चा झाली.
मुख्यमंत्री देवेंद्र फडणवीस यांनी डॉ. सूरदास प्रभू यांच्या सेवाभावी कार्याची प्रशंसा करत इस्कॉनच्या उपक्रमांना शासनाची पूर्ण सहकार्याची हमी दिली. राज्यातील युवापिढीला संस्कारक्षम जीवनशैली, पर्यावरण संवर्धन आणि आध्यात्मिकतेकडे वळविण्याच्या दृष्टीने इस्कॉनने घेतलेली पुढाकार शासनाच्या विकासदृष्टीकोनाशी सुसंगत असल्याचे त्यांनी नमूद केले.
डॉ. सूरदास प्रभूंनी मुख्यमंत्री फडणवीस यांना ‘भगवद्गीता’ ग्रंथ भेट देत, अध्यात्म व सदाचाराच्या आधारे राज्य उन्नतीसाठी प्रेरणा देणाऱ्या विचारांची साद दिली. या भेटीत ‘फूड फॉर लाइफ’, शाश्वत शेती, शाळांमध्ये संस्कारवर्ग व व्यसनमुक्ती मोहिमांसारख्या उपक्रमांवर सहकार्य करण्याबाबतही चर्चा झाली.
दोन्ही मान्यवरांनी भावी काळात राज्यात विविध ठिकाणी संयुक्त उपक्रम राबविण्यास सहमती दर्शवली. तसेच, भारताची अध्यात्मिक वारसा जपणाऱ्या व त्याला आधुनिक व्यवस्थेशी जोडणाऱ्या कार्यक्रमांसाठी राज्य शासन आणि इस्कॉन एकत्र काम करतील, अशी सकारात्मक भावना व्यक्त करण्यात आली.
