हडपसर, पुणे – पुणे शहरातील हडपसर परिसरात मागील काही महिन्यांपासून सुरु असलेल्या घरफोडींचा तपास करताना हडपसर पोलिसांनी जबरदस्त कारवाई केली आहे. अवघ्या दोन महिन्यांत तीन वेगवेगळ्या गुन्ह्यांची उकल करत ३,८५,००० रुपयांचा मुद्देमाल हस्तगत केला आहे. विशेष बाब म्हणजे हे गुन्हे विधिसंघर्षित बालकांकडून झाले असल्याचे निष्पन्न झाले असून, त्यांना पोलिसांनी ताब्यात घेतले आहे.
ही कारवाई पोलीस उप आयुक्त परिमंडळ ५ डॉ. राजकुमार शिंदे यांच्या मार्गदर्शनाखाली व वरिष्ठ पोलीस निरीक्षक संजय मोगले, पोलीस निरीक्षक (गुन्हे) निलेश जगदाळे यांच्या नेतृत्वात करण्यात आली. घरफोडीच्या घटनांमध्ये वापरलेले सीसीटीव्ही फुटेज व गुन्ह्याचे स्थळ तपासून कारवाई राबवण्यात आली.
उघडकीस आलेले गुन्हे:
१. हडपसर पोलीस ठाणे गु.र.नं – ४६०/२०२५
२. हडपसर पोलीस ठाणे गु.र.नं – ३४९/२०२५
३. जेजुरी पोलीस ठाणे गु.र.नं – ३२३/२०२४
या गुन्ह्यांमध्ये एकूण हस्तगत मुद्देमाल:
-
सोन्याचे दागिने: ₹२,७५,०००/-
-
लॅपटॉप्स (२): ₹६०,०००/-
-
होंडा शाईन मोटारसायकल (गुन्ह्यात वापरलेली): ₹५०,०००/-
-
एकूण मालमत्ता: ₹३,८५,०००/-
तपास कार्यवाहीचा तपशील:
सीसीटीव्ही च्या विश्लेषणातून मिळालेल्या माहितीच्या आधारे पोलीस उप निरीक्षक हसन मुलाणी, सत्यवान गेंड यांच्या मार्गदर्शनाखाली पोलिसांची पथके हडपसर परिसरात पेट्रोलिंग करत होती. याचवेळी तीन विधिसंघर्षित बालक संशयास्पदरीत्या आढळून आले आणि त्यांना ताब्यात घेण्यात आले. चौकशीत त्यांनी घरफोडी करत असल्याची कबुली दिली.
या यशस्वी कारवाईत सहभागी अधिकारी:
-
पो.नि. (गुन्हे) निलेश जगदाळे
-
पो.उ.नि. हसन मुलाणी, सत्यवान गेंड
-
अंमलदार: अविनाश गोसावी, दिपक कांबळे, अमित साखरे, निलेश किरवे, बापू लोणकर, अमोल दणके, अजित मदने, अभिजीत राऊत, तुकाराम झुंजार, महेश चव्हाण, कुंडलीक केसकर, चंद्रकांत रेजितवाड, महावीर लोंढे, लखन दांडगे, सागर कुंभार
