पिंपरी-चिंचवड – वैष्णवी मृत्यू प्रकरणात हगवणे कुटुंबाला संरक्षण देणारा व कस्पटे कुटुंबाला धमकावणारा निलेश चव्हाण याला अखेर पिंपरी-चिंचवड पोलिसांनी नेपाळ बॉर्डरवरून अटक केली आहे. गेल्या 10 दिवसांपासून फरार असलेल्या निलेशच्या अटकेने प्रकरणात मोठा वळणबिंदू आला आहे.
देशभरात शोधमोहीम, पोलिसांची सात पथकं सक्रिय!
निलेश चव्हाण याला पकडण्यासाठी पिंपरी-चिंचवड पोलिसांच्या चार आणि पुणे पोलिसांच्या तीन पथकांनी संयुक्तरीत्या देशभर शोधमोहीम राबवली. महाराष्ट्र, दिल्ली, राजस्थान, मध्यप्रदेश, उत्तरप्रदेश या राज्यांमधून त्याने हालचाली करत नेपाळमध्ये पलायन केले होते. अखेर नेपाळ सीमेवर त्याला पकडण्यात पोलिसांना मोठे यश आले आहे.
वैष्णवीच्या बाळाला घेण्यास विरोध, पिस्तुल दाखवून धमकी!
20 मे रोजी कसपेटे कुटुंबीय वैष्णवीच्या नऊ महिन्यांच्या बाळाला घेण्यासाठी निलेश चव्हाणच्या कर्वेनगरमधील घरी गेले असता, त्याने त्यांना पिस्तुल दाखवले व घराबाहेर काढले. बाळाचा ताबा देण्यास त्याने स्पष्ट नकार दिला. त्यामुळे घाबरलेल्या कुटुंबीयांनी पोलिस ठाण्यात धाव घेतली.
वैष्णवी आत्महत्या प्रकरणात नवा धक्का!
निलेश चव्हाण हा वैष्णवीची नणंद करिष्मा हगवणेचा जवळचा मित्र असून, वैष्णवीच्या मृत्यूपश्चात बाळाच्या ताब्यासंदर्भात सुरू असलेल्या संघर्षात हगवणे कुटुंबाला मदत करत होता. त्यामुळेच बावधन पोलिसांनी त्याच्यावर गुन्हा दाखल केला.लुकआऊट नोटीस जारी, देशाबाहेर जाण्यापासून अडवले!
देशाबाहेर पलायन करण्याची शक्यता लक्षात घेऊन त्याच्यावर लुकआऊट नोटीस जारी करण्यात आली होती. त्याला सीमेवरच अटक करण्यात आली, ज्यामुळे अनेक प्रश्नांची उत्तरं शोधण्याचा मार्ग मोकळा झाला आहे.
पोलिसांची कारवाई कौतुकास्पद – जनतेतून समाधान व्यक्त
या प्रकरणामुळे संपूर्ण राज्याचे लक्ष वेधून घेणाऱ्या केसला आता गती मिळेल अशी अपेक्षा व्यक्त केली जात आहे. पोलिसांच्या मेहनतीने कायदा हातात घेणाऱ्या गुन्हेगारांना मोकळं रान मिळत नाही, हे पुन्हा सिद्ध झालं आहे.
महत्वाचे मुद्दे:
-
निलेश चव्हाण 21 मे पासून फरार
-
नेपाळ बॉर्डरवरून अटक
-
पिस्तुल दाखवून कस्पटे कुटुंबाला धमकी
-
वैष्णवीच्या मृत्यूप्रकरणात महत्त्वाचा सहभाग
-
हगवणे कुटुंबाचा मित्र आणि सहकारी
-
लुकआऊट नोटीसमुळे बचावाचा मार्ग बंद
