पुणे शहरातील मंगळवार पेठेतील भीमनगर स्टेजजवळ मध्यरात्री थरारक प्रकार घडला आहे. गस्तीवर असलेल्या पोलिसांच्या सतर्कतेमुळे मोठा अनर्थ टळला. दि. २५ मे २०२५ रोजी रात्री सुमारे २.१५ च्या सुमारास हा प्रकार घडला असून याप्रकरणी फरासखाना पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी व त्यांचे मित्र मंगळवार पेठेतील भीमनगर स्टेजजवळ गप्पा मारत थांबले असताना तीन जण जोरात मोपेडवरून वस्तीमध्ये शिरले. त्यांना थांबवून विचारणा केली असता, आरोपीने रागात येऊन पिस्तूल काढले आणि फायरिंग करत दहशत निर्माण केली.
या प्रकरणात पोलिसांनी ३ जणांविरोधात गुन्हा नोंदवला आहे. त्यापैकी:
-
रोहित दिलीप माने (वय ३२, रा. लोहियानगर, खडक, पुणे)
-
कासीम असिफ अन्सारी (वय २३, रा. कागदीपुर, कसबापेठ, पुणे) – अटक करण्यात आली आहे.
-
एक इसम (वय ३६, रा. गोखलेनगर, पुणे) – अद्याप फरार आहे.
