नवी दिल्ली | 9 मे 2025 – पाकिस्तानने उघड उघड कुरापती करत भारताच्या जम्मू आणि काश्मीर भागात आठ क्षेपणास्त्र डागल्याने पुन्हा एकदा युद्धसदृश परिस्थिती निर्माण झाली. भारताच्या अत्याधुनिक हवाई संरक्षण यंत्रणेनं सर्व क्षेपणास्त्रं मार्गामध्येच निष्क्रिय करत पाकिस्तानच्या हल्ल्यांना पुन्हा एकदा चोख प्रत्युत्तर दिलं आहे. भारतीय लष्कराने या हल्ल्यांना ‘दहशतवादी कारवाया’ असे संबोधले असून, यामागे पाकिस्तानची गुप्तचर संस्था ISI आणि दहशतवादी संघटना हमास यांचं बेकायदेशीर संयुक्त नियोजन असल्याचा संशय व्यक्त करण्यात आला आहे. गेल्या महिन्यात पाकव्याप्त काश्मीरमध्ये दोघांची गुप्त बैठक झाली होती, अशी माहिती समोर आली आहे.
क्षेपणास्त्र हल्ल्यांना चोख प्रत्युत्तर
पाकिस्तानने 8 मे रोजी रात्री जम्मू आणि काश्मीरच्या सतवारी, सांबा, आरएसपुरा, आर्निया, पठाणकोट आणि उधमपूर भागांवर एकामागून एक क्षेपणास्त्र डागली.
भारतीय हवाई संरक्षण पथकांनी अत्यंत कुशलतेनं ही सर्व क्षेपणास्त्रं हवेच अडवून निष्क्रीय केली. या हल्ल्यांत कोणतीही जीवितहानी झाली नाही, हे विशेष. जम्मूमधील दृष्यं हमासने इस्रायलवर केलेल्या हल्ल्याची आठवण करून देणारी होती. संरक्षण सूत्रांनी नमूद केलं की पाकिस्तानचं सैन्य सध्या पूर्णपणे दहशतवादी पद्धतीने वागत आहे.
घुसखोरीचा मोठा प्रयत्न उधळून लावला
रात्री ११ च्या सुमारास सांबा सेक्टरमध्ये पाकिस्तानकडून मोठ्या प्रमाणावर घुसखोरीचा प्रयत्न झाला. भारतीय सीमा सुरक्षा दलाने ही हालचाल वेळीच हेरून घुसखोरांना ठार केलं. भारतीय जवानांच्या सतर्कतेमुळे आणखी एक मोठी दुर्घटना टळली.
पश्चिम सीमांवरून ड्रोन आणि तोफगोळ्यांचा हल्ला
8 आणि 9 मे दरम्यानच्या रात्री पाकिस्तानने ड्रोन आणि तोफगोळ्यांच्या साहाय्यानं नियंत्रण रेषेवर जोरदार हल्ला केला. भारताच्या जवानांनी तडाखेबंद प्रत्युत्तर देत सर्व ड्रोन निष्क्रीय केले असून, शस्त्रसंधी उल्लंघनाला थेट प्रत्युत्तर दिलं आहे. भारताच्या लष्कराने स्पष्टपणे म्हटलं आहे की, देशाच्या सार्वभौमत्वावर कुठलाही आघात सहन केला जाणार नाही.
कराची बंदरावर भारतीय नौदलाचा ‘सर्जिकल स्ट्राईक प्लस’
भारतीय नौदलाने या साऱ्या कुरापतींचं उत्तर देत, रात्रीच्या अंधारात कराची बंदरावर गुप्तपणे धडक कारवाई केली.
या हल्ल्यांमध्ये:
-
कराची बंदरावर एकामागून एक टॉर्पेडो आणि क्षेपणास्त्र हल्ले
-
ड्रोन हल्ल्यांद्वारे बंदराच्या महत्त्वाच्या भागांचे मोठे नुकसान
-
पाकिस्तानी नौदल सावरायच्या आधीच पूर्णपणे पादाक्रांत
