पुणे : पोलीस असल्याचे भासवून व वयोवृद्ध नागरिकांची फसवणूक करणाऱ्या सराईत गुन्हेगाराला गुन्हे शाखा युनिट ६ च्या पथकाने अचूक सापळा रचून अटक केली आहे. आरोपी हमीद अफसर खान (वय ३०, रा. पठारे वस्ती, लोणीकाळभोर, पुणे) याने हातचलाखीने विविध परिसरांत वृद्ध नागरिकांची दागिन्यांची लुबाडणूक केल्याचे निष्पन्न झाले आहे.
गुन्हे शाखा युनिट ६ चे अंमलदार पो.हवा. नितीन मुंढे आणि पो.हवा. कानिफनाथ कारखेले यांना मिळालेल्या गोपनीय माहितीच्या आधारे हा कारवाईचा धडाका रचण्यात आला. लोणीकाळभोर स्मशानभूमीजवळून आरोपीला सकाळी ११ वाजता मोटारसायकलसह ताब्यात घेण्यात आले. विश्वासात घेऊन केलेल्या चौकशीत आरोपीने पुणे शहर व आजूबाजूच्या परिसरात पोलीस असल्याचे सांगून वयोवृद्ध महिलांना गंडा घातल्याची कबुली दिली आहे.
उघडकीस आलेले गंभीर गुन्हे:
पोलिसांनी केलेल्या तपासणीत आरोपीवर कोंढवा, पर्वती, सिंहगड रोड, कोथरूड, भारती विद्यापीठ, सासवड आदी पोलीस ठाण्यांत एकूण ८ गुन्हे दाखल असल्याचे निष्पन्न झाले आहे.
यामध्ये भादंवि कलम ४२० (फसवणूक), ३१६ (२), ३१८(४), १७० (खोट्या पदाचा वापर) इत्यादी गंभीर कलमांचा समावेश आहे.
हस्तगत मुद्देमाल:
-
९६ ग्रॅम सोन्याचे दागिने – किंमत अंदाजे ₹७,६८,०००/-
-
टीव्हीएस अपाचे RTR 200 मोटारसायकल – अंदाजे किंमत ₹१,००,०००/-
