नवी दिल्ली – राजधानी दिल्लीत जंतरमंतर येथे विविध हिंदू संघटनांनी एकत्र येत ‘वक्फ बोर्ड’ रद्द करण्याच्या मागणीसाठी भव्य महापंचायत आयोजित केली. हजारो हिंदू कार्यकर्ते, धर्मगुरू आणि संघटनांचे नेते या आंदोलनात सहभागी झाले. या वेळी विविध वक्त्यांनी वक्फ बोर्डच्या अधिकारांविषयी प्रश्न उपस्थित केले आणि हिंदू समाजाच्या हक्कांची मागणी केली.
महापंचायतीत उपस्थित असलेल्या नेत्यांनी आरोप केला की, वक्फ बोर्डला असीमित अधिकार मिळाले असून, ते हिंदूंच्या जमिनी आणि मालमत्तांवर अन्यायकारकपणे दावा करत आहे. अनेक हिंदू नेत्यांनी याबाबत कायद्याच्या फेरआढाव्याची मागणी केली.
“आमची भूमी आम्हाला परत मिळाली पाहिजे!”
हिंदू संघटनांनी ठाम भूमिका घेत वक्फ बोर्डाच्या अधिकारकक्षेवर आक्षेप घेतला. “आमच्या पवित्र स्थळांवर आणि भूमीवर अन्याय होत असेल, तर आम्ही शांत बसणार नाही,” असे हिंदू संघटनांच्या प्रमुखांनी जाहीर केले.
कायदा बदलण्याची मागणी – सरकारवर दबाव!
महापंचायतीत ठराव मांडण्यात आला की, वक्फ बोर्डचा कायदा तातडीने बदलावा किंवा संपूर्णपणे रद्द करावा. यासाठी लवकरच राष्ट्रव्यापी आंदोलन छेडण्याचा निर्धार करण्यात आला.
सरकारला इशारा – “आमच्या मागण्या मान्य करा!”
महापंचायतीच्या आयोजकांनी स्पष्ट शब्दांत सांगितले की, जर सरकारने लवकरच निर्णय घेतला नाही, तर हिंदू संघटना संपूर्ण देशभर आंदोलन उभारतील.
