पुणे: अंमली पदार्थ विरोधी पथक २ गुन्हे शाखेच्या पोलिसांनी मोठी कारवाई करत तब्बल १६.८० लाख रुपयांचा २८ किलो गांजा जप्त केला आहे. या कारवाईत दोन आरोपींना अटक करण्यात आली असून त्यांच्याविरुद्ध गुन्हा दाखल करण्यात आला आहे.
घटनाक्रम
अंमली पदार्थ विरोधी पथक २ चे पोलीस निरीक्षक श्री. सुदर्शन गायकवाड, सहाय्यक पोलीस निरीक्षक नितीनकुमार नाईक आणि पथक हे मुंढवा पोलीस ठाणे हद्दीत गस्त घालत होते. त्यावेळी पोलीस अंमलदार आझाद पाटील यांना गोपनीय माहिती मिळाली की, मुंढवा-कोरेगाव पार्क रोडवरील मोकळ्या प्लॉटमध्ये दोन इसम गांजाची मोठ्या प्रमाणावर तस्करी करत आहेत.
आरोपींची ओळख
पोलिसांनी तत्काळ छापा टाकून दोन इसमांना ताब्यात घेतले. आरोपींची नावे पुढीलप्रमाणे आहेत: 1️⃣ प्रमोद सुधाकर कांबळे (वय ४४, रा. किल्ला वेस, करमाळा, सोलापूर) 2️⃣ विशाल दत्ता पारखे (वय ४१, रा. प्लॅट नं. ६, मोहन नगर, आदित्य सोसा., विश्रांतवाडी, पुणे)
जप्त केलेला मुद्देमाल
🔹 २८ किलो गांजा (मूल्य ₹१६,८०,०००/-) 🔹 इतर साहित्य व उपकरणे
गुन्हा दाखल
सदर आरोपींविरुद्ध मुंढवा पोलीस ठाण्यात गुन्हा रजिस्टर क्रमांक ७७/२०२५ अन्वये एन.डी.पी.एस. अॅक्ट कलम ८ (क), २० (ब) (ii) (क), २९ प्रमाणे गुन्हा दाखल करण्यात आला आहे.
पोलिसांची उत्कृष्ट कामगिरी
ही महत्त्वपूर्ण कारवाई मा. पोलीस आयुक्त श्री. अमितेश कुमार, मा. सह पोलीस आयुक्त श्री. रंजनकुमार शर्मा, मा. अपर पोलीस आयुक्त (गुन्हे) श्री. शैलेश बलकवडे, मा. पोलीस उपआयुक्त (गुन्हे) श्री. निखील पिंगळे, मा. सहा. पोलीस आयुक्त (गुन्हे २) श्री. राजेंद्र मुळीक यांच्या मार्गदर्शनाखाली करण्यात आली.
सदर मोहिमेत पोलीस निरीक्षक श्री. सुदर्शन गायकवाड, सहाय्यक पोलीस निरीक्षक नितीनकुमार नाईक, पोलीस अंमलदार आझाद पाटील, मयुर सूर्यवंशी, संदीप जाधव, संदीप शेळके, योगेश मांढरे, युवराज कांबळे, चेतन गायकवाड, रविंद्र रोकडे, दिनेश बास्टेवाड, आणि दिशा खेवलकर यांनी सहभाग घेतला.
