🔹 गौतमी स्कूलमधून 14 वर्षीय मुलगी बेपत्ता
🔹 ठाणे नगर पोलीस स्टेशनकडून नागरिकांना मदतीचे आवाहन
🔹 अपहरणाचा गुन्हा दाखल, तपास सुरू
ठाणे : ठाणे पश्चिम येथील गौतमी स्कूलमधून 14 वर्षीय मुलगी पूजा हरसन राम पुरोहित हिला कोणीतरी अज्ञात इसमाने पळवून नेल्याची धक्कादायक घटना समोर आली आहे. या संदर्भात ठाणे नगर पोलीस स्टेशन येथे गुन्हा दाखल करण्यात आला असून, पोलीस तिचा शोध घेत आहेत.
गुन्हा दाखल, नागरिकांना सहकार्याचे आवाहन
सदर घटनेबाबत ठाणे नगर पोलीस स्टेशनमध्ये गुन्हा क्रमांक 119/2025 अन्वये भारतीय न्याय संहिता कलम 137 (2) अंतर्गत गुन्हा दाखल करण्यात आला आहे. पोलिसांनी नागरिकांना आवाहन केले आहे की, जर कुणाला सदरची मुलगी आढळल्यास किंवा तिच्याबद्दल कोणतीही महत्त्वाची माहिती मिळाल्यास तातडीने ठाणे नगर पोलीस स्टेशनशी संपर्क साधावा.
मुलीच्या वर्णनाबाबत महत्त्वाची माहिती
अपहरण झालेली मुलगी वयाने अवघी 14 वर्षे 4 महिने असून ती गौतमी स्कूल, ठाणे पश्चिम येथे शिक्षण घेत होती. सध्या तिच्या परिवारावर दु:खाचा डोंगर कोसळला असून तिच्या सुरक्षेबाबत चिंता व्यक्त केली जात आहे.
पोलीस तपास सुरू, सीसीटीव्ही फूटेजची तपासणी
या प्रकरणाची गंभीर दखल घेत ठाणे नगर पोलीस तपास करत असून परिसरातील सीसीटीव्ही फूटेज तपासले जात आहेत. तसेच स्थानिक रहिवाशांना आणि शाळेतील शिक्षकांना विचारपूस करण्यात येत आहे.
संपर्कासाठी महत्त्वाचे तपशील
जर कुणाला सदर मुलगी सापडली किंवा तिच्याबद्दल काही माहिती मिळाली, तर त्वरित खालील अधिकाऱ्यांशी संपर्क साधावा :
📞 संपर्क व्यक्ति: सपना ताटे-केचे (सहायक पोलीस निरीक्षक, ठाणे नगर पोलीस स्टेशन)
📞 संपर्क क्रमांक: 8425899933
