📍 पुणे :- शहरात अवैध शस्त्रसाठा आणि गुन्हेगारीच्या घटनांमध्ये वाढ होत असताना, हडपसर पोलिसांनी मोठी कारवाई करत दोन गुन्हेगारांना अटक केली आहे. देशी बनावटीच्या दोन पिस्तुलांसह सोन्याचे दागिने, दुचाकी आणि रोख रकमेसह तब्बल २.९२ लाख रुपयांचा मुद्देमाल हस्तगत करण्यात आला आहे.
🔴 कारवाईचा घटनाक्रम
▪ पोलिसांनी मिळालेल्या गुप्त माहितीच्या आधारे छापा टाकला आणि दोघा गुन्हेगारांना ताब्यात घेतले.
▪ त्यांच्याकडून दोन देशी बनावटीचे पिस्तूल, दोन जिवंत काडतुसे आणि दोन मॅगझिन जप्त करण्यात आले.
▪ त्याचप्रमाणे १०.६५ लाख रुपये किमतीचे सोन्याचे दागिने, ५० हजार रुपये किमतीची स्प्लेंडर दुचाकी आणि ४० हजार रुपये किमतीचे होंडा अॅक्टिव्हा स्कूटर पोलिसांनी जप्त केले.
▪ हडपसर पोलिसांनी या टोळीचा पुढील तपास सुरू केला असून, त्यांच्या इतर साथीदारांचा शोध घेतला जात आहे.
🚔 पोलिसांची कसून चौकशी सुरू
▪ मुख्य आरोपी समीउर्फ कमांडो हनीफ शेख (वय १९, रा. हडपसर, पुणे) याला अटक करण्यात आली आहे.
▪ त्याच्या साथीदार यश मुकेश शेलार (वय २०, रा. महंमदवाडी, पुणे) यालाही पोलिसांनी बेड्या ठोकल्या.
▪ या टोळीच्या इतर सदस्यांचा शोध सुरू असून, पोलिसांकडून त्यांच्या गुन्हेगारी पार्श्वभूमीचा तपास केला जात आहे.
⚖️ गुन्हा दाखल – आरोपींवर कठोर कारवाईची शक्यता
▪ हडपसर पोलीस ठाण्यात गु.र.नं. १४८/२५, भा.दं.वि. कलम ३, २५ सह ३७(१) सह १३५ प्रमाणे गुन्हा दाखल करण्यात आला आहे.
▪ याशिवाय कोथरूड आणि लोणी काळभोर पोलीस ठाण्यांतही गुन्हे दाखल आहेत.
▪ आरोपींची पार्श्वभूमी तपासून त्यांच्यावर मोक्का (MCOCA) अंतर्गतही कारवाई होण्याची शक्यता आहे.
🚨 पुणे पोलिसांचे विशेष अभियान
▪ शहरात दिवसेंदिवस वाढणाऱ्या गुन्हेगारी प्रवृत्तीला आळा घालण्यासाठी पोलिसांनी मोहीम उघडली आहे.
▪ अवैध शस्त्र बाळगणाऱ्या गुन्हेगारांवर पोलिसांकडून कठोर कारवाई करण्यात येणार आहे.
▪ “पुणेकरांनी संशयास्पद व्यक्ती अथवा घटना पाहिल्यास त्वरित पोलिसांना माहिती द्यावी,” असे आवाहन पोलीस आयुक्तांनी केले आहे.
