📍 पुणे :- पुणे शहरात पुन्हा एकदा बेफिकीर वाहनचालकाचा बळी गेला आहे. कर्वे रस्त्यावर भरधाव वेगात आलेल्या कारने दुचाकीस्वाराला जोरदार धडक दिली आणि घटनास्थळी न थांबता पळ काढला. या धक्कादायक घटनेत विनायक साहेबराव थेटे (वय ३०, रा. कोल्हार भगवतीपूर, ता. रहाता, जि. अहील्यानगर) यांचा मृत्यू झाला आहे.
या प्रकरणी राहुल थेटे (वय ३४, रा. रहाटणी, पुणे) याच्याविरुद्ध डेक्कन पोलीस ठाण्यात गुन्हा दाखल करण्यात आला असून, त्याला अद्याप अटक करण्यात आलेली नाही.
🔴 काय घडले नेमके?
▪ २ फेब्रुवारी २०२५ रोजी सकाळी ११.१५ वाजता, पुण्याच्या खंडोजीबाबा चौक, कर्वे रोड येथे ही दुर्घटना घडली.
▪ आरोपीने त्याच्या ताब्यातील चारचाकी वाहन वाहतुकीच्या नियमांकडे दुर्लक्ष करून बेफिकीर, हयगयीने आणि भरधाव वेगात चालवली.
▪ याच वेळी, विनायक थेटे आपल्या दुचाकीवरून जात असताना, भरधाव वेगात आलेल्या कारने त्यांना जबर धडक दिली.
▪ या धडकेत विनायक थेटे गंभीर जखमी झाले आणि त्यांचा घटनास्थळीच मृत्यू झाला.
▪ सबसे धक्कादायक बाब म्हणजे – अपघातानंतर कारचालक घटनास्थळी न थांबता फरार झाला!
🛑 पोलिसांनी दाखल केला गुन्हा
या प्रकरणी डेक्कन पोलीस ठाण्यात भा.न्या.सं. कलम २८१, १०६(१), ३(५), मोटार वाहन कायदा १८४, १३४ (अ), (ब), १९९ / १७७ अन्वये गुन्हा दाखल करण्यात आला आहे.
▪ पोलीस उपनिरीक्षक दत्तात्रय सावंत (मो. ९०२१९२१०२२) हे या प्रकरणाचा तपास करत आहेत.
▪ आरोपीचा शोध सुरू असून, लवकरच त्याला अटक करण्यात येईल, असे पोलिसांनी सांगितले आहे.
❗ पुणे शहरात वेगवान वाहनचालकांची दहशत ❗
▪ गेल्या काही दिवसांत पुण्यातील अपघातांची संख्या झपाट्याने वाढत आहे.
▪ बेदरकार वाहनचालक वाहतुकीच्या नियमांचे उल्लंघन करून निष्पाप नागरिकांच्या जीवाशी खेळत आहेत.
▪ भरधाव वेग, सिग्नल तोडणे, ओव्हरटेक करण्याचा हव्यास यामुळे शहरात अपघातांचे प्रमाण वाढले आहे.
🔹 प्रशासनाकडून कठोर कारवाईची गरज!
▪ शहरातील वाहनचालकांना शिस्त लागण्यासाठी कठोर कायद्यांची अंमलबजावणी गरजेची आहे.
▪ स्पीड ब्रेकर, कॅमेरे आणि पोलिसांची सतत नजर ठेवणे आवश्यक आहे, अन्यथा असे अपघात पुन्हा घडत राहतील.
