पुणे, बिबवेवाडी– बिबवेवाडी येथील एस.के. बार, स्वामी विवेकानंद रोड येथे २१ जानेवारी २०२५ रोजी मध्यरात्री १२:०१ ते १२:४५ दरम्यान एका तरुणावर गंभीर हल्ला झाल्याची घटना समोर आली आहे. एका २६ वर्षीय व्यक्तीने आपल्या मित्रांसोबत बिअर पित असताना झालेल्या वादातून हा प्रकार घडला.
तक्रारदार आणि त्याचा मित्र असे नमूद इसमांसोबत बसले असताना, बिल देण्याच्या कारणावरून वाद सुरू झाला. या वादात नमूद इसमाने तक्रारदार यांना अश्लील भाषेत शिवीगाळ करत, गंभीर जखमी करण्याच्या उद्देशाने मारहाण केली. यामध्ये तक्रारदार आणि त्याच्या मित्रांना गंभीर दुखापत झाली.
पोलिस तपास:
बिबवेवाडी पोलिसांनी घटनास्थळी धाव घेतली असून, अज्ञात आरोपींविरुद्ध भा.दं.वि. कलम ३०७ (हत्या करण्याचा प्रयत्न), ३१५, ३२३ (मारहाण), १४९ (समूहातून गुन्हा) आणि ५०४ (शब्दाने दुखापत करणे) अन्वये गुन्हा नोंदवला आहे. आरोपींचा शोध सुरू असून परिसरातील सीसीटीव्ही फुटेज तपासण्यात येत आहेत.
घटनास्थळी भीतीचे वातावरण:
या प्रकारामुळे परिसरात तणावाचे वातावरण निर्माण झाले आहे. नागरिकांमध्ये असुरक्षिततेची भावना बळावली असून, पोलिसांकडून कडक पावले उचलण्याची मागणी होत आहे.
पोलिसांचे आवाहन:
घटनेच्या संदर्भात कोणतीही माहिती असल्यास, तातडीने बिबवेवाडी पोलिस ठाण्याशी संपर्क साधावा, असे वरिष्ठ पोलिस निरीक्षक श्री. शंकर साळुंखे यांनी आवाहन केले आहे.
