नागपूर : कळमेश्वर तालुक्यातील राऊळगाव येथील स्फोटक निर्मिती करणाऱ्या एसबीएल कंपनीत झालेल्या भीषण स्फोटानंतर राज्यात शोककळा पसरली आहे. या दुर्घटनेत १९ श्रमिकांचा मृत्यू झाला असून २३ जण गंभीर जखमी झाले आहेत. या पार्श्वभूमीवर Devendra Fadnavis यांनी आज सायंकाळी Orange City Hospital येथे जाऊन जखमींची भेट घेत त्यांच्या प्रकृतीची विचारपूस केली.
मुख्यमंत्र्यांनी डॉक्टरांशी सविस्तर चर्चा करून सर्व जखमींना अत्याधुनिक आणि आवश्यक ते सर्व उपचार तातडीने उपलब्ध करून देण्याचे निर्देश दिले. कोणत्याही प्रकारची कमतरता राहू नये, यासाठी प्रशासनाला सज्ज राहण्यास सांगितले. काही जखमींची प्रकृती गंभीर असल्याने त्यांच्यावर विशेष लक्ष ठेवण्यात येत असल्याची माहिती डॉक्टरांनी दिली.
कुटुंबीयांना दिला धीर
रुग्णालयात उपस्थित जखमींच्या कुटुंबीयांचीही मुख्यमंत्रीांनी भेट घेतली. या दुर्दैवी घटनेत मृत्यूमुखी पडलेल्यांच्या कुटुंबियांना धीर देत शासन त्यांच्या पाठीशी ठामपणे उभे असल्याचे आश्वासन दिले. आवश्यक ती आर्थिक मदत व पुनर्वसनाबाबत तातडीने कार्यवाही करण्यात येईल, असे त्यांनी स्पष्ट केले.
घटनेची सखोल चौकशी
राऊळगाव येथील एसबीएल कंपनीत झालेल्या स्फोटाचे नेमके कारण शोधण्यासाठी उच्चस्तरीय चौकशीचे आदेश देण्यात आले आहेत. औद्योगिक सुरक्षेच्या नियमांचे पालन झाले होते का, याची तपासणी केली जाणार आहे. भविष्यात अशा दुर्घटना टाळण्यासाठी कठोर उपाययोजना करण्यात येतील, असे प्रशासनाने सांगितले.
शोक व्यक्त
मुख्यमंत्र्यांनी मृत श्रमिकांना भावपूर्ण श्रद्धांजली अर्पण करत त्यांच्या कुटुंबीयांप्रती संवेदना व्यक्त केल्या. या घटनेमुळे संपूर्ण राज्य हादरले असून, औद्योगिक क्षेत्रातील सुरक्षेला अधिक बळकटी देण्याची गरज अधोरेखित झाली आहे.
