मुंबई : ज्येष्ठ पटकथालेखक आणि अभिनेते Salman Khan यांचे वडील Salim Khan यांना प्रकृती बिघडल्याने व्हेंटिलेटरवर हलविण्यात आले आहे. मंगळवारी सकाळी त्यांना मुंबईतील Lilavati Hospital येथे दाखल करण्यात आले.
मिळालेल्या माहितीनुसार, घबराट आणि उच्च रक्तदाबाच्या तक्रारीनंतर सलीम खान यांना तातडीने रुग्णालयात नेण्यात आले. तपासणीनंतर मेंदूत रक्ताचा थक्का तयार होणे (ब्लड क्लॉट) आणि रक्तस्राव झाल्याची शक्यता डॉक्टरांनी व्यक्त केली आहे. त्यांच्या प्रकृतीवर लक्ष ठेवून तज्ज्ञ डॉक्टरांच्या पथकाकडून उपचार सुरू असून आज शस्त्रक्रिया होणार असल्याचे सांगण्यात येत आहे.
सलीम खान यांच्या प्रकृतीची बातमी समजताच सलमान खान यांनी आपले शूटिंग थांबवून तातडीने रुग्णालयात धाव घेतली. कुटुंबातील इतर सदस्यही रुग्णालयात उपस्थित आहेत. तसेच अभिनेते Sanjay Dutt आणि ज्येष्ठ लेखक-गीतकार Javed Akhtar यांनीही रुग्णालयात जाऊन कुटुंबीयांची भेट घेतली.
हिंदी चित्रपटसृष्टीतील सलीम खान यांचे योगदान अत्यंत महत्त्वाचे मानले जाते. ‘शोले’, ‘दीवार’ यांसारख्या गाजलेल्या चित्रपटांच्या लेखनामुळे त्यांनी आपली वेगळी ओळख निर्माण केली आहे. त्यांच्या प्रकृतीविषयी अधिकृत वैद्यकीय बुलेटिनची प्रतीक्षा चाहत्यांना लागली आहे. चित्रपटसृष्टीतील अनेक मान्यवर आणि चाहत्यांकडून त्यांच्या लवकर बरे होण्यासाठी प्रार्थना व्यक्त केल्या जात आहेत.
