लोणीकाळभोर पोलीस स्टेशन हद्दीत अंमली पदार्थ विरोधी पथक 2, गुन्हे शाखा, पुणे शहर यांनी केलेल्या धडाकेबाज कारवाईत बनावट RMD गुटखा व सुगंधीत तंबाखू तयार करणारा मोठा कारखाना उध्वस्त करण्यात आला आहे. या कारवाईत तब्बल ₹1,00,00,000/- किंमतीचा मुद्देमाल, तीन वाहने व रोख रक्कम जप्त करण्यात आली. अन्न सुरक्षा मानके अधिनियमासह भारतीय न्यायसंहितेच्या विविध कलमांनुसार गंभीर गुन्हा दाखल करण्यात आला आहे.
छापेमारीची थरारक कारवाई
मा. वरिष्ठ अधिकाऱ्यांच्या आदेशावरून ४ डिसेंबर रोजी पहाटे अंमली पदार्थ विरोधी पथकातील अधिकारी व पथकाने थेऊर फाटा, कांबळे वस्ती परिसरातील सुमित गुप्ता यांच्या गोडाऊनवर धाड टाकली. छापा टाकताच पथकाला मोठ्या प्रमाणात बनावट RMD गुटखा, सुंगधीत तंबाखू, विमल गुटखा पान मसाला सापडला. याशिवाय शेजारील शेतात तयार करण्यासाठी वापरले जाणारे मोठ्या प्रमाणात कच्चामाल, बनावट सुपारी, सुगंधीत तंबाखू, केमिकल, गुलाबपाणी, प्रिंटेड पाऊच, बॉक्स, पोती आदी साहित्यही मिळाले. या सर्वांचा एकत्रित मुद्देमाल ₹1 कोटींहून अधिक असल्याचे सांगण्यात आले.
वाहतुकीसाठी वापरलेली मॉडिफाय केलेली वाहनेही जप्त
छाप्यात खालील 3 वाहने जप्त –
1️⃣ गोल्डन इनोव्हा MH 44 B 2023
2️⃣ गोल्डन इनोव्हा MH 12 DM 0885
3️⃣ टाटा नेक्सॉन MH 12 QT 8462
या वाहनांची अंदाजे किंमत ₹50 लाखांपर्यंत आहे. पोलिसांच्या तपासात हे वाहन खास बनावट गुटखा वाहतुकीसाठीच मॉडिफाय केल्याचे समोर आले आहे.
रोख रक्कम व 3 आरोपी ताब्यात
कारखान्यातून ₹1,30,000/- रोख रक्कमही जप्त करण्यात आली.
ताब्यात घेतलेले आरोपी –
-
रोहित दुर्गाप्रसाद गुप्ता (25) – कारखाना मालक
-
रामप्रसाद उर्फ बापू प्रजापती (50) – कामगार
-
अप्पू सुशिल सोनकर (46) – कामगार
-
दानिश मुसाकीन खान (18) – कामगार
मुख्य सूत्रधार सुमित गुप्ता हा फरार असून त्याचा शोध सुरू आहे.
गुन्हा दाखल
लोणीकाळभोर पोलीस स्टेशनमध्ये खालीलप्रमाणे गुन्हा दाखल –
-
भारतीय न्याय संहिता कलम 123, 223, 274, 275
-
अन्न सुरक्षा मानके अधिनियम, 2006 – कलम 26(2)(i)(iv)
-
शिक्षा – कलम 59
ही गुन्हेगारी मोठ्या प्रमाणात आरोग्याशी खेळ करणारी असल्याने पुढील तपास अत्यंत गांभीर्याने सुरू आहे.
वरिष्ठ अधिकाऱ्यांचे मार्गदर्शन व पथकाची कामगिरी
ही कारवाई मा. पोलिस आयुक्त अमितेश कुमार, मा. संयुक्त आयुक्त रंजनकुमार शर्मा, मा. अपर पोलिस आयुक्त पंकज देशमुख, मा. उप-आयुक्त (गुन्हे) निखील पिंगळे, तसेच मा. सहा. पोलीस आयुक्त राजेंद्र मुळिक यांच्या मार्गदर्शनाखाली करण्यात आली.
कारवाई करणारे अधिकारी –
-
पोलीस निरीक्षक सुदर्शन गायकवाड
-
सहायक पोलीस निरीक्षक नितीनकुमार नाईक
-
पोलीस उपनिरीक्षक अस्मिता लाड
-
पथकातील कर्मचारी – राजस शेख, संदीप जाधव, पृथ्वीराज पांडुळे, दत्तात्रय खरपुडे, संदीप देवकाते, गणेश गोसावी, देविदास वांढरे, शुभांगी म्हाळसेकर, दिनेश बास्टेवाड
