मुंबई : मिरा-भाईंदरवासियांची 14 वर्षांची प्रतीक्षा अखेर संपत आली आहे. येत्या डिसेंबर अखेर दहिसर ते काशीमिरा या महत्त्वाच्या मेट्रो मार्गावर प्रवासी सेवा सुरू होणार असल्याची माहिती परिवहन मंत्री प्रताप सरनाईक यांनी दिली. त्यांनी नुकत्याच केलेल्या पाहणी दौऱ्यात हा आनंदाचा संदेश नागरिकांना दिला.
2009 ते 2025 — 14 वर्षांचा प्रदीर्घ संघर्ष
मंत्री सरनाईक म्हणाले —
“2009 मध्ये लोकप्रतिनिधी म्हणून निवडून आल्यापासून या भागातील नागरिकांना मेट्रोचे स्वप्न दाखवले होते. सातत्याने पाठपुरावा, तांत्रिक अडचणींवर मात आणि प्रशासकीय प्रक्रियेनंतर आता ते स्वप्न पुर्णत्वास येत आहे.”
2014 मध्ये तत्कालीन मुख्यमंत्री देवेंद्र फडणवीस आणि नगरविकासमंत्री एकनाथ शिंदे यांच्या सहकार्यामुळे या प्रकल्पाला वेग आला. अनेक वर्षांपासून अधांतरी असलेल्या कामांनीही गती पकडली.
मेट्रो सुरू झाल्यावर प्रवासात मोठा बदल
दहिसर–काशीमिरा मेट्रो सुरू झाल्यानंतर प्रवाशांना —
-
थेट अंधेरीपर्यंत मेट्रोने प्रवास
-
एअरपोर्ट T1 वरून मेट्रो 3 च्या माध्यमातून थेट कुलाबा येथे पोहोचण्याची सुविधा
-
कामकाजाच्या वेळेत मोठा बदल, प्रवास अधिक वेगवान आणि आरामदायी
-
रस्त्यावरची वाहतूककोंडी आणि प्रदूषणात घट
मेट्रोच्या नेटवर्कमुळे वाढणार कनेक्टिव्हिटी
नवीन वर्षात मिरा-भाईंदर रहिवाशांसाठी CSMT, मंत्रालय, विधान भवन यांसारख्या महत्त्वाच्या ठिकाणी जाण्यासाठी मेट्रोचा पर्याय उपलब्ध होणार आहे. दहिसर–काशीमिरा मेट्रो मार्ग डिसेंबर 2026 पर्यंत नेताजी सुभाषचंद्र बोस मैदानापर्यंत विस्तारित केला जाणार आहे.
भावी प्रकल्प — वसई–विरारला मिळणार मेट्रोची भेट
सरनाईक यांनी सांगितले की, लवकरच वसई–विरार मेट्रो लाईनचे काम सुरू केले जाईल.
यामुळे —
-
वसई–विरार ते अंधेरी
-
तिथून एअरपोर्ट इंटरचेंज
-
आणि पुढे थेट कुलाबा
