पुणे : पुणे शहरातील चर्चित सामाजिक आणि वैचारिक मंच ‘ऐश्वर्य कट्टा’ आज आपल्या पाचव्या वर्धापन दिनानिमित्त रंगला. चार वर्षांच्या यशस्वी प्रवासानंतर, ऐश्वर्य कट्ट्याने समाजातील नेते, शिक्षणतज्ज्ञ आणि पत्रकार यांच्या उपस्थितीत आपल्या पुढच्या वर्षासाठी नवीन अध्याय सुरु केला.
या कार्यक्रमाचे प्रमुख पाहुणे होते : सावित्रीबाई फुले पुणे विद्यापीठाचे अधिष्ठाता मा. डॉ. संजय तांबट, सातारा ‘तरुण भारत’चे संपादक मा. दीपक प्रभावळकर, भाजपचे सरचिटणीस मा. राघवेंद्र बाप्पू मानकर, तसेच वरिष्ठ पत्रकार मा. उत्तमकुमार इंदोरे. उपस्थित मान्यवरांनी संवाद साधताना त्यांच्या अनुभवांचे वेगवेगळे पैलू उलगडले आणि समाजसेवेच्या महत्त्वावर प्रकाश टाकला.
डॉ. तांबट यांनी पत्रकारिता, शिक्षण आणि सामाजिक कार्य यांच्या क्षेत्रातील आपले अनुभव शेअर करत सांगितले की, लहानपणापासून सामाजिक कार्याची आवड आणि वैचारिक जडणघडण या दोन्हीमुळे त्यांनी पत्रकारितेचा प्रवास आणि विद्यार्थ्यांना मार्गदर्शन करणे हे स्वीकारले. त्याचबरोबर सावित्रीबाई फुले पुणे विद्यापीठाच्या रौप्य महोत्सवी वर्षा निमित्त सुरू असलेल्या उपक्रमांबाबत माहिती दिली.
दीपक प्रभावळकर यांनी पत्रकारितेतील त्यांच्या संघर्षाचे किस्से उलगडले, समाजातील अडचणींना कसे सामोरे जावे, राजकारण्यांशी संवाद साधताना प्रामाणिक राहण्याचे महत्त्व आणि सामाजिक चळवळींमध्ये सक्रिय सहभाग यावर भर दिला.
भाजप युवा मोर्चाचे सरचिटणीस बाप्पू मानकर यांनी सांगितले की, राजकारण हा व्यवसाय नाही; सामाजिक कार्य ही खरी आवड आहे आणि लोकसेवेसाठी ते नेहमी तत्पर राहतात. कोविड काळातील अडचणींवर मात करूनही त्यांनी समाजसेवेत सतत योगदान दिले. कार्यक्रमात उपस्थित पत्रकार उत्तमकुमार इंदोरे यांनी तिन्ही मान्यवरांशी संवाद साधत समाजाच्या मनातील प्रश्न उघड केले आणि कार्यक्रमाचे मार्गदर्शन केले. त्याचबरोबर ऐश्वर्य कट्ट्याच्या यशस्वी आयोजनाबद्दल अप्पा रेणुसे मित्रपरिवाराचे कौतुक केले.
या पाचव्या वर्धापन दिनानिमित्त केक कटिंग समारंभ, गप्पांची मैफिल, सहभागींचा अनुभववाटा आणि सामाजिक उपक्रमांवरील चर्चा रंगली. उपस्थितांनी कार्यक्रमाची अत्यंत कौतुक केली आणि आगामी वर्षांसाठी शुभेच्छा दिल्या.
कार्यक्रमाच्या यशस्वी आयोजनासाठी अप्पा रेणुसे मित्रपरिवार, विविध स्वयंसेवी संस्था आणि समाजसेवी लोक उपस्थित होते, ज्यांनी गप्पांची मैफिल आणि संवाद रंगवले.
