भारताच्या “मेक इन इंडिया” मोहिमेला एक मोठी गती मिळाली आहे. मोबाईल उपकरणांसाठी वापरल्या जाणाऱ्या टेम्पर्ड ग्लासचे उत्पादन आता देशातच होणार आहे. भारतातील पहिला टेम्पर्ड ग्लास उत्पादन कारखाना उभारण्यात आला असून या माध्यमातून दरवर्षी तब्बल २.५ कोटी ‘मेड इन इंडिया’ टेम्पर्ड ग्लास युनिट्स तयार करण्यात येणार आहेत.
मोबाईल उद्योगातील वाढत्या मागणीला प्रतिसाद देण्यासाठी आणि आयातीवरील अवलंबित्व कमी करण्यासाठी हा कारखाना अत्यंत महत्त्वपूर्ण ठरणार आहे. यामुळे केवळ स्थानिक उत्पादनाला चालना मिळणार नाही, तर मोठ्या प्रमाणात रोजगाराच्या संधी निर्माण होणार आहेत.
तंत्रज्ञान क्षेत्रातील हा टप्पा देशाच्या आत्मनिर्भरतेच्या दिशेने एक मोठं पाऊल मानलं जात आहे. यामुळे “मेड इन इंडिया” या घोषणेची ताकद अधिक दृढ झाली आहे. मोबाईल अॅक्सेसरीज मार्केटमध्ये भारत आता मोठा स्पर्धक म्हणून उदयास येणार आहे.
सरकारच्या प्रोत्साहनामुळे आणि भारतीय कंपन्यांच्या पुढाकारामुळे भविष्यातील पिढ्या स्वदेशी तंत्रज्ञानावर अधिक विश्वास ठेवतील, अशी आशा व्यक्त केली जात आहे.
