मुंढवा पोलिसांची मोठी कारवाई; सार्वजनिक ठिकाणी नियम तोडणाऱ्यांवर न्यायालयात खटले दाखल, हजारो रुपयांचा दंड व कारावासाची शिक्षा

पुणे | मुंढवा :– सार्वजनिक ठिकाणी अनुशासनभंग करणाऱ्यांवर नियंत्रण आणण्यासाठी मुंढवा पोलीस ठाण्याकडून जोरदार मोहीम राबवण्यात आली. या मोहिमेत वाहतूक नियमांचे उल्लंघन, तंबाखूजन्य पदार्थांची विक्री, ज्वालाग्राही पदार्थांचा वापर, आणि विहीत वेळेपेक्षा जास्त वेळ सुरू असणाऱ्या आस्थापनांवर कठोर कारवाई करण्यात आली आहे.

सदर कारवाई मा. अपर पोलीस आयुक्त मनोज पाटील (पूर्व विभाग), पोलीस उप-आयुक्त डॉ. राजकुमार शिंदे (परिमंडळ-५) आणि सहा. पोलीस आयुक्त अनुराधा उदमले (हडपसर विभाग) यांच्या मार्गदर्शनाखाली पार पडली. मुंढवा पोलीस ठाण्याच्या वरिष्ठ पोलीस निरीक्षक माया देवरे, गुन्हे निरीक्षक बाबासाहेब निकम व त्यांच्या पथकाने सदर कारवाई केली.

लोकअदालतीत निकाल; आरोपींना दंड आणि कारावास

ही प्रकरणे वेळेवर न्यायालयात पाठवून, लष्कर न्यायालयात लोकअदालतीत सुनावणी घेण्यात आली. यामध्ये खुल्या ठिकाणी धोकादायक कृत्य करणाऱ्या आरोपींना दंड आणि कारावासाची शिक्षा सुनावण्यात आली.

तपशील पुढीलप्रमाणे:

तसेच, 368/2025 BNS कलम 287 व 347/2025 BNS अंतर्गतही प्रत्येकी ₹1180 दंड, न भरल्यास 15 दिवस साधा कारावास अशी शिक्षा देण्यात आली.

तंबाखुजन्य व सार्वजनिक धोकादायक विक्रीवर थेट कारवाई

मुंढवा पोलिसांनी सिगारेट व तंबाखुजन्य अधिनियमाअंतर्गत 3 प्रकरणांवर कारवाई केली असून, महाराष्ट्र पोलीस कायद्यानुसार 9 प्रकरणांमध्ये प्रत्येकी ₹1000 दंड लावण्यात आला. एकूण ₹9000 दंड वसूल करण्यात आला आहे.

जागरूकतेचे आवाहन

मुंढवा पोलिसांनी नागरिकांना आवाहन केले आहे की, वाहतूक नियमांचे पालन करावे, ज्वालाग्राही व तंबाखूजन्य पदार्थांचा वापर टाळावा, आणि कायद्याचे उल्लंघन टाळावे. पोलीस प्रशासनाचे उद्दिष्ट नागरिकांच्या जीवन व सुरक्षिततेला प्राधान्य देणे हेच असून अशा प्रकारे धोकादायक वर्तन करणाऱ्यांवर पुढेही कठोर कारवाई करण्यात येईल, असा इशारा पोलिसांकडून देण्यात आला आहे.

सतर्क पोलिस पथकाचे अभिनंदन

या कारवाईमध्ये पोलीस फौजदार सुनिल कटके, कोर्ट अंमलदार अक्षय जराड, राहुल बडेकर आणि सर्व अंमलदारांचा मोलाचा वाटा होता. पोलिसांनी वेळेवर खटले न्यायालयात दाखल करून आरोपींना शिक्षा करून समाजात कायद्याचे भय निर्माण केले आहे.