महाराष्ट्रात ‘डिस्टिंक्ट अभिमत विद्यापीठ’ स्थापन करण्याच्या दृष्टीने महत्त्वपूर्ण पाऊल; नवी दिल्लीतील कार्यशाळेत शिक्षण तज्ज्ञांचा मंथन

महाराष्ट्रात ‘डिस्टिंक्ट अभिमत विद्यापीठ’ (Distinct Deemed University) स्थापन करण्याच्या उद्देशाने आज नवी दिल्ली येथे एका विशेष कार्यशाळेचे आयोजन करण्यात आले. या महत्त्वपूर्ण कार्यशाळेला विविध क्षेत्रातील शिक्षण तज्ज्ञ, धोरणनिधी संस्थांचे प्रतिनिधी, अभ्यासक आणि प्रशासकीय अधिकारी उपस्थित होते.

या कार्यशाळेला मी अध्यक्ष म्हणून उपस्थित राहिलो आणि ‘डिस्टिंक्ट अभिमत विद्यापीठ’ या संकल्पनेविषयी सर्वांशी सविस्तर चर्चा केली. शिक्षण क्षेत्रातील नामवंत तज्ज्ञांचे विचार ऐकून घेतले, त्यांचे अनुभव आणि सल्ला यांचं स्वागत केलं. यामध्ये भविष्यातील शैक्षणिक दिशादर्शक मुद्दे, संशोधनाचे वाव, गुणवत्ता नियंत्रण, उद्योग-संलग्नता आणि नवोन्मेषाला चालना देण्याचे मुद्दे विचारात घेण्यात आले.

‘डिस्टिंक्ट अभिमत विद्यापीठ’ ही संकल्पना महाराष्ट्राच्या उच्च शिक्षण क्षेत्रात परिवर्तन घडवून आणणारी ठरणार आहे. केवळ शैक्षणिक गुणवत्ताच नव्हे तर उद्योग, संशोधन, आंतरराष्ट्रीय सहकार्य आणि विद्यार्थ्यांच्या समग्र विकासावर लक्ष केंद्रित करणारे हे विद्यापीठ एक उदाहरण ठरेल.

या कार्यशाळेतून पुढील धोरणात्मक आराखडा आणि क्रियान्वयनासाठी दिशानिर्देश निश्चित करण्यात आले असून लवकरच याचे प्रत्यक्ष अंमलबजावणीच्या दिशेने पावले उचलली जाणार आहेत.