पुणे –कामाच्या ठिकाणी महिलांच्या सुरक्षेला प्राधान्य देत पुणे पोलिसांनी मोठा निर्णय घेतला आहे. विमाननगर, पुणे येथील एका खासगी कंपनीत महिला कामगाराला तिच्या सहकाऱ्याने जखमी केल्याच्या घटनेनंतर पोलिसांनी कडक पावले उचलली आहेत.
काय घडले नेमके?
दिनांक ०७ जानेवारी २०२५ रोजी विमाननगर येथे एका कंपनीत काम करणाऱ्या महिला कर्मचाऱ्यास सहकाऱ्याने हातात धारदार शस्त्राने वार करून गंभीर जखमी केले. या प्रकरणी येरवडा पोलीस ठाण्यात गुन्हा दाखल करण्यात आला असून, संबंधित आरोपीविरुद्ध कलम १०३(९), आर्म्स अॅक्ट कलम ४(२५) आणि महाराष्ट्र पोलीस अधिनियमाच्या कलम ३७(९)(३) अन्वये कारवाई करण्यात आली आहे.
या घटनेनंतर पोलिसांचा मोठा निर्णय – महिलांच्या सुरक्षेसाठी नवे नियम लागू!
या घटनेच्या पार्श्वभूमीवर महिला कामगारांच्या सुरक्षेच्या दृष्टीने आवश्यक पावले उचलण्याचा निर्णय घेतला आहे.
🔹 कामाच्या ठिकाणी महिला कर्मचारी मोठ्या प्रमाणावर कार्यरत असल्यास, त्यांच्या सुरक्षेसाठी मार्गदर्शक तत्वे जारी करण्याचे आदेश.
🔹 सर्व व्यवसायिक संस्थांनी या मार्गदर्शक तत्वांची अंमलबजावणी बंधनकारक करावी लागणार.
🔹 वरिष्ठ पोलीस निरीक्षक आणि अधिकाऱ्यांना मार्गदर्शक तत्वे तातडीने अंमलात आणण्याचे निर्देश.
🔹 संबंधित संस्थांनी या नियमांची माहिती पोलिसांना आणि आयटी तसेच व्यावसायिक संस्थांना द्यावी.
पोलिसांकडून महत्त्वाचे निर्देश:
✅ महिला सुरक्षेसाठी सीसीटीव्ही प्रणाली अनिवार्य करण्याचा विचार सुरू.
✅ संशयास्पद व्यक्तींकडून होणाऱ्या धोक्यांविषयी सतर्क राहण्याचे आवाहन.
✅ महिला कर्मचाऱ्यांसाठी तक्रार नोंदविण्यासाठी स्वतंत्र हेल्पलाईन सुरू करण्याचा प्रस्ताव.
कामाच्या ठिकाणी महिलांच्या सुरक्षेच्या प्रश्नावर पुणे पोलीस गंभीर
महिला सुरक्षेच्या मुद्द्यावर कठोर पावले उचलण्याचे संकेत पुणे पोलिसांनी दिले आहेत. यापुढे कोणत्याही कंपनीत महिला कामगारांच्या सुरक्षेची हमी दिली नसल्यास संबंधित संस्थांवर कायदेशीर कारवाई करण्यात येईल, असा इशारा पोलिसांनी दिला आहे.
