पॅरिस पॅरालिम्पिक्स २०२४ च्या सातव्या दिवशी भारताने चार पदकांची कमाई करत आपल्या एकूण पदकसंख्येला २४ वर नेले. बुधवारी भारताच्या खेळाडूंनी दमदार कामगिरी करत देशाचे नाव उज्ज्वल केले. यामध्ये तिरंदाज हरविंदर सिंगने पुरुषांच्या रिकर्व ओपन प्रकारात सुवर्णपदक पटकावले, तर शॉट पुटपटू सचिन खिलारीने रौप्यपदकाची भर घातली. त्याचप्रमाणे, क्लब थ्रोमध्ये धरमबीर आणि प्रणव सूरमा यांनी अनुक्रमे सुवर्ण आणि रौप्यपदक जिंकत देशासाठी आणखी दोन पदके मिळवली.
भारताचे ४ सप्टेंबर (बुधवार) पॅरिस पॅरालिम्पिक्समधील निकाल:
पॅरा सायकलिंग:
पुरुषांच्या C2 इंडिव्हिज्युअल रोड टाइम ट्रायल फायनल – अर्शद शेख २५:२०.११ वेळेत ११व्या क्रमांकावर.
महिलांच्या C1-3 इंडिव्हिज्युअल रोड टाइम ट्रायल फायनल – ज्योती गदेरिया ३०:००.१६ वेळेत १६व्या क्रमांकावर.
पॅरा शूटिंग:
मिक्स्ड ५० मीटर पिस्तोल SH1 क्वालिफायर – निहाल सिंग ५२२ गुणांसह १९व्या स्थानी, तर रुद्रांश खंडेलवाल ५१७ गुणांसह २२व्या स्थानी.
पॅरा ॲथलेटिक्स:
पुरुषांच्या शॉट पुट F46 फायनल – सचिन सरजेराव खिलारीने १६.३२ मीटर फेकून रौप्यपदक जिंकले, तर मोहम्मद यासर १४.२१ मीटर फेकून ८व्या स्थानी, रोहित कुमार १४.१० मीटरसह ९व्या स्थानी.
महिलांच्या शॉट पुट F46 फायनल – अमीषा रावतने तिच्या वैयक्तिक सर्वोत्तम ९.२५ मीटर फेकीसह १४वा क्रमांक पटकावला.
पॅरा टेबल टेनिस:
महिलांच्या सिंगल्स क्लास ४ क्वार्टर-फायनल – भाविना पटेल झो यिंगविरुद्ध १-३ (१२-१४, ९-११, ११-८, ६-११) ने पराभूत.
पॅरा पॉवरलिफ्टिंग:
पुरुषांच्या ४९ किलो फायनल – परमजीत कुमार १५० किलो उचलून ८व्या स्थानी.
महिलांच्या ४५ किलो फायनल – सकीना खातूनने ८६ किलो उचलून ७वा क्रमांक मिळवला.
पॅरा तिरंदाजी:
पुरुषांच्या रिकर्व १/१६ एलिमिनेशन राउंड – हरविंदर सिंगने त्सेंग लुंग-हुई याला ७-३ ने हरवून पुढे प्रगती केली.
पुरुषांच्या रिकर्व १/८ एलिमिनेशन राउंड – हरविंदर सिंगने सेटीवान याला ६-२ ने मात दिली.
पुरुषांच्या रिकर्व क्वार्टर फायनल – हरविंदर सिंगने कोलंबियाच्या हेक्टर जुलियो रामिरेझला ६-२ ने हरवून उपांत्य फेरीत प्रवेश केला.
पुरुषांच्या रिकर्व सेमीफायनल – हरविंदर सिंगने अर्ब अमेरि मोहम्मद रेजा याला ७-३ ने हरवले.
पुरुषांच्या क्लब थ्रो F51 फायनल:
धरमबीर आणि प्रणव सूरमा यांनी अनुक्रमे सुवर्ण आणि रौप्यपदक जिंकले, तर अमित कुमार सारोहा स्पर्धेत सहभागी होते.
महिलांची १०० मीटर T12 हीट:
सिमरनने १२.१७ सेकंदाच्या वेळेसह तिच्या हीटमध्ये अव्वल स्थान मिळवून उपांत्य फेरीत प्रवेश केला.
पुरुषांची रिकर्व सुवर्णपदकाची लढत:
हरविंदर सिंगने लुकास सीस्जेक याला ६-० ने मात देत सुवर्णपदकावर आपले नाव कोरले.
