पिंपरी-चिंचवड महानगरपालिकेच्या स्वीप (सिस्टेमॅटिक वोटर्स एज्युकेशन अँड इलेक्टोरल पार्टिसिपेशन) उपक्रमांतर्गत शेकडो युवक-युवतींनी मतदानाचे महत्त्व समजून घेतले आणि १००% मतदान करण्याचा निर्धार केला आहे. या कार्यक्रमात सहभाग घेतलेल्या तरुण पिढीने देशाच्या लोकशाही प्रक्रियेत सक्रीय योगदान देण्याचे वचन दिले. महापालिकेने मतदार जागृती मोहिमेचा एक भाग म्हणून या उपक्रमाचे आयोजन केले होते.
या कार्यक्रमात युवक-युवतींनी लोकशाहीच्या सुदृढीकरणासाठी आपल्या मताचा हक्क योग्य प्रकारे बजावण्याची शपथ घेतली. मतदार नोंदणीपासून ते मतदानाच्या दिवशी मतदान केंद्रावर जाण्यापर्यंत सर्व प्रक्रियेबाबत त्यांना मार्गदर्शन करण्यात आले. या उपक्रमामुळे नवीन मतदारांमध्ये प्रचंड उत्साह दिसून आला, ज्यामुळे येणाऱ्या निवडणुकांमध्ये मतदानाचा टक्का वाढण्याची शक्यता आहे.
सर्वांनी मिळून १००% मतदान हे आपल्या जबाबदारीचे एक महत्त्वाचे पाऊल आहे, असे मत महापालिकेच्या अधिकाऱ्यांनी व्यक्त केले. या मोहिमेअंतर्गत अनेक शैक्षणिक संस्थांमध्ये तसेच विविध सामाजिक संस्थांमध्ये देखील मतदार जागृती कार्यक्रम घेतले जात आहेत.
महापालिका निवडणुकांमध्ये युवकांचे सक्रिय योगदान महत्त्वाचे ठरणार असून, मतदानाच्या प्रक्रियेत सर्वच स्तरांवरून लोकांचा सहभाग वाढावा, असे आवाहन करण्यात आले.
