पुणे पोलिसांची मोठी कारवाई – ७८८ किलो अंमली पदार्थ नष्ट; ७७ कोटींचा मुद्देमाल जाळून खाक

पुणे शहरात अंमली पदार्थ विरोधी मोहिमेला वेग!

पुणे शहरातील गुन्हे शाखेच्या अंमली पदार्थ विरोधी पथक – १ ने मोठी कारवाई करत तब्बल ७७ कोटी ६० लाख १ हजार २३६ रुपयांचा अंमली पदार्थांचा साठा अधिकृतपणे नष्ट केला आहे. पुणे पोलिसांच्या कार्यक्षेत्रातील ९ पोलीस ठाण्यांच्या अभिलेखावर असलेल्या ५७ एन.डी.पी.एस. (NDPS) गुन्ह्यांमध्ये जप्त केलेल्या अंमली पदार्थांची विल्हेवाट लावण्यात आली.

संपूर्ण मुद्देमालाची माहिती:

नाश करण्यात आलेल्या अंमली पदार्थांमध्ये खालील पदार्थांचा समावेश आहे –
गांजा
एम.डी. (मेथॅम्फेटामाइन)
इफेड्रीन
कोकेन
एल.एस.डी.
चरस
अफिम
पॉपीस्ट्रॉ
हेरॉईन
गांजा मिश्रित बंटा गोळी

संपूर्ण मुद्देमालाचा ७८८ किलो ९५४ ग्रॅम ०६३ मि.ग्रॅम इतका प्रचंड साठा Maharashtra Enviro Power Ltd., Ranjangaon MIDC, Shirur, Pune येथील भट्टीत जाळून नष्ट करण्यात आला.

ड्रग डिस्पोजल कमिटीच्या देखरेखीखाली नाश प्रक्रिया

पारदर्शक आणि नियमानुसार नाश प्रक्रिया पार पाडण्यासाठी विशेष ड्रग डिस्पोजल कमिटी स्थापन करण्यात आली होती. दि. २५ मार्च २०२५ रोजी पुणे पोलीस मुख्यालयातील रिक्रिएशन हॉल, शिवाजीनगर, पुणे येथे अंमली पदार्थांचा प्रत्यक्ष नाश करण्यापूर्वी त्याचे वजन आणि परीक्षण करण्यात आले.

 प्रमुख अधिकारी:
मा. पोलीस आयुक्त, पुणे शहर – अमितेश कुमार
मा. पोलीस सह आयुक्त, पुणे शहर – रंजनकुमार शर्मा
ड्रग डिस्पोजल कमिटीचे सदस्य:
मा. अपर पोलीस आयुक्त, गुन्हे, पुणे – शैलेश बलकवडे (अध्यक्ष)
मा. पोलीस उप आयुक्त, गुन्हे, पुणे – निखील पिंगळे (सदस्य)
मा. पोलीस उप आयुक्त, मुख्यालय, पुणे – संदीप भाजीभाखरे (सदस्य)

पारदर्शक प्रक्रिया – व्हिडीओग्राफी व पंच साक्षीदारांची उपस्थिती

अंमली पदार्थ नष्ट करण्याच्या प्रक्रियेत कोणतीही त्रुटी राहू नये, यासाठी राज्य उत्पादन शुल्क विभागाचे अधिकारी पंच साक्षीदार म्हणून उपस्थित होते.
तसेच, Regional Forensic Science Laboratory, Pune मधील Assistant Chemical Analyzer यांनी मुद्देमालाची तपासणी केली. महाराष्ट्र प्रदूषण नियंत्रण महामंडळाच्या अधिकाऱ्यांनीही संपूर्ण प्रक्रिया पाहणी केली.

विशेष म्हणजे, सरकारी छायाचित्रकार आणि व्हिडीओग्राफरच्या उपस्थितीत संपूर्ण प्रक्रिया रेकॉर्ड करण्यात आली, जेणेकरून कारवाईची पूर्ण पारदर्शकता अबाधित राहील.

अंमली पदार्थांचा भस्मसात नाश!

नंतर, हा मुद्देमाल नियोजित ठिकाणी Maharashtra Enviro Power Ltd., Ranjangaon MIDC, Shirur येथील प्रचंड उष्णतेच्या भट्टीत जाळून संपूर्ण नष्ट करण्यात आला.

अंमली पदार्थ विरोधी पथकाची महत्त्वपूर्ण भूमिका

या संपूर्ण मोहिमेत अंमली पदार्थ विरोधी पथक – १, गुन्हे शाखा, पुणे यांनी अत्यंत प्रभावीपणे कामगिरी बजावली.
पोलीस निरीक्षक – उल्हास कदम
सहा. पोलीस उपनिरीक्षक – सुजित वाडेकर
पोलीस स्टाफचे योगदान महत्वपूर्ण

अंमली पदार्थविरोधी कठोर पाऊल!

पुणे शहरात अंमली पदार्थ विक्री आणि सेवनाच्या घटनांमध्ये वाढ होत असताना, पोलिसांनी मोठ्या प्रमाणावर जप्त केलेले ड्रग्स नष्ट करून समाजात एक सकारात्मक संदेश दिला आहे.
अंमली पदार्थांवरील कारवाई आणखी तीव्र केली जाणार असून, नागरिकांनीही अशा बेकायदेशीर पदार्थांची माहिती पोलिसांना द्यावी, असे आवाहन करण्यात आले आहे.